Dvoje rasijskich hramadzian prypłyli ŭ aŭtorak na astraŭnuju terytoryju Alaski na borcie nievialikaj łodki i paprasili prytułku ŭ Złučanych Štatach. Hetuju infarmacyju paćvierdzili ŭ čaćvier niekalki krynic u administracyi hetaha arktyčnaha amierykanskaha štata, jaki znachodzicca ŭ niepasrednaj blizkaści ad rasijskaj miažy, piša Deutsche Welle.
«Dvoje rasijskich hramadzian pryčalili da plažu niedaloka ad Hembieła, pasiołka na amierykanskim vostravie Śviatoha Łaŭrencija, raźmieščanaha ŭ Bierynhavym mory, prykładna za 65 kiłamietraŭ ad rasijskaha ŭźbiarežža», — havorycca ŭ sumiesnaj zajavie sienataraŭ štata Alaska Lizy Murkoŭski i Dena Salivana. Hetyja rasijanie «padali prašeńnie ab nadańni prytułku ŭ Złučanych Štatach».
«Nievialikaje sudna z dvuma hramadzianami Rasii prybyło da bierahoŭ Alaski ŭ aŭtorak», — paćvierdziŭ pradstaŭnik Ministerstva ŭnutranaj biaśpieki ŭ intervju ahienctvu AFP. Sprava razhladajecca «ŭ adpaviednaści z amierykanskim imihracyjnym zakanadaŭstvam», dadaŭ pradstaŭnik viedamstva.
Sienatar-respublikaniec Den Salivan zaklikaŭ fiederalnyja ŭłady «padrychtavać płan razam ź bierahavoj achovaj na vypadak, kali jašče bolš rasijan prybuduć u rajon Bierynhava praliva na Alascy». Na dumku jahonaj kalehi Lizy Murkoŭski, «hetaja situacyja padkreślivaje nieabchodnaść uzmacnieńnia biaśpieki ŭ amierykanskaj Arktycy».
Hubiernatar štata Majk Danlivi, adnak, nie padzialaje ich zakłapočanaści. «Dva čałavieki, jakija prybyli z Rasii na łodcy i byli zatrymanyja ŭ Hembiele, nakolki ja razumieju, zaraz znachodziacca ŭ Ankorydžy (administracyjny centr Alaski. — Red.), i imi zajmajucca fiederalnyja ŭłady. My nie čakajem pastajannaj płyni abo fłatylij ludziej. Niama nijakich prykmiet taho, što heta adbudziecca, tak što heta moža być adzinkavym vypadkam», — skazaŭ jon.
Čytajcie taksama:
Jakija rasijskija rehijony addali bolš za ŭsio mužčyn na vajnu i što Pucinu daść mabilizacyja?
«Nas provieriajut, miestnyje my ili niet. Prosiat skazať «čučinŝina». Što pišuć u čatach rasijan, jakija chavajucca ŭ Biełarusi?
Nie čakajcie chutkich efiektaŭ, ale efiektaŭ čakajcie… Pakaleńnie Ch i pucinskaja mabilizacyja
«Nie-nie, ja na heta nie padpisvaŭsia i nie pajdu». Rasijanie biełaruskaha pachodžańnia ŭ šoku i žachu, šukajuć vyjścia
Ciapier čytajuć
Eks-palitviazień adkryŭ zbor na siabie — inšyja palitviaźni aburanyja i kažuć, što jon stukač i machlar1
Kamientary