Часовага паверанага ў справах Беларусі ў Румыніі па патрабаванні міністра замежных спраў гэтай краіны Багдана Аўрэску выклікалі ў МЗС для тлумачэння пазіцыі, паведаміла прэс-служба румынскага знешнепалітычнага ведамства.
Незадаволенасць румынскага боку выклікалі заявы Аляксандра Лукашэнкі, якія ён зрабіў 17 верасня падчас выступу на так званым «патрыятычным форуме» ў «Мінск-Арэне».
Падчас выступлення Лукашэнка заявіў, што ЗША нібыта «штурхаюць Еўропу ў ваеннае супрацьстаянне з Расіяй на тэрыторыі Украіны». Пры гэтым ён сказаў, што ў вайну ў хуткім часе непасрэдна будзе ўцягнутая ў тым ліку Румынія. Гэта і выклікала рэакцыю румынскага МЗС
«Такім чынам, румынскі бок рашуча абвяргае такія недапушчальныя заявы, якія падсілкоўваюць рыторыку, заснаваную на закліку да сілы і пагрозы сілай у міжнародных адносінах. Таксама нельга ігнараваць ролю і міжнародную адказнасць Беларусі як памагатай Расіі ў падтрымцы агрэсіўнай вайны супраць Украіны», — гаворыцца ў тлумачэнні для прэсы МЗС Румыніі адносна заяваў Лукашэнкі.
Цяпер чытаюць
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1616
Каментары