Украінская дызайнерка Віта Кін прадставіла капсульную калекцыю для вядомага брэнда Gucci. У яе ўвайшлі вышыванкі і сукенкі ў традыцыйным украінскім стылі, піша BBC.
На сайце Gucci паведамляецца, што на стварэнне калекцыі дызайнерку натхніла традыцыйная ўкраінская вышыўка.
Сукенкі хваляць за «кветкавую вышыўку з вытанчаным дызайнам», а калекцыю называюць «нявінна фальклорнай і нязмушана вытанчанай».
У калекцыю ўвайшлі сукенкі міні і максі з высокай таліяй, спадніцы і блузкі з вышыўкай, шалі і накідкі.
Усе вырабы дапоўненыя вышыўкай і аплікацыяй, выкананыя з лёну.
Набыць рэчы з новай калекцыі Vita Kin можна на сайце Gucci Vault. Іх цанавы дыяпазон — ад 950 да 2100 еўра. Некаторыя пазіцыі ўжо раскупленыя.
Віта Кін шмат гадоў выпрацоўвае ўласны стыль, у якім выкарыстоўвае народныя матывы самых розных народаў.
Gucci адкрыў уласны канцэптуальны магазін Vault, каб даць магчымасць маладым дызайнерам з усяго свету прадэманстраваць сваю творчасць і прадаць рэчы. Vita Kin запусціла свой аднайменны брэнд Vita Kin у 2008 годзе.
Чытайце таксама:
Вялікі паказ моды прайшоў у мінскім гольф-клубе. Паглядзіце, як выглядалі мадэлі і госці свята ШМАТ ФОТА
«Часцей нашу аднатонны». Мужчыны з манікюрам: сярод іх усё больш беларускіх знакамітасцей
Час распранацца. 10 разнастайных сукенак і лёгкіх касцюмаў ад беларускіх дызайнераў
Цяпер чытаюць
На лінейку ў «Мінск-Свеце» прыйшло столькі людзей, што бацькі стаялі за плотам. Але людзі абураны, што не ўсе класы паклікалі1
На лінейку ў «Мінск-Свеце» прыйшло столькі людзей, што бацькі стаялі за плотам. Але людзі абураны, што не ўсе класы паклікалі
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары