16‑гадовы хлопец застаўся без селязёнкі пасля няўдалага жарту над аднакурснікам
Інцыдэнт адбыўся падчас заняткаў у каледжы.
Калі выкладчык ненадоўга выйшаў з аўдыторыі, адзін з вучняў падышоў да аднакурсніка і рэзка выцягнуў крэсла з-пад яго. Падлетак утрымаўся на нагах і вырашыў не канфліктаваць, палічыўшы тое няўдалым жартам, пішуць Мінск-навіны.
Аднак неўзабаве аднакурснік паўтарыў свой учынак. На гэты раз хлопец упаў на падлогу. Раззлаваны, ён падняўся, падышоў да хлопца, штурхнуў яго дзвюма рукамі, а затым ударыў нагой у жывот.
Пацярпелага 16‑гадовага падлетка даставілі ў бальніцу з разрывам селязёнкі. Яму правялі аперацыю па выдаленні органа.
Як расказала памочніца пракурора Маскоўскага раёна Кацярына Сенажацкая, абвінавачаны раней не прыцягваўся да крымінальнай адказнасці і цалкам прызнаў віну. Яго родныя выплацілі пацярпеламу 6 тысяч рублёў у якасці кампенсацыі маральнай шкоды.
Суд прызнаў юнака вінаватым ва ўмысным прычыненні цяжкага цялеснага пашкоджання, небяспечнага для жыцця і якое прывяло да страты органа. Яму прызначана пакаранне ў выглядзе хатняй хіміі на 1 год і 6 месяцаў.
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»4
Каментары