Уначы 6 ліпеня на мяжы з Літвой полацкія памежнікі абстралялі аўтамабіль з чатырма беларусамі, якія «спрабавалі схавацца ў лясным масіве на аўтамабілі» і не рэагавалі на патрабаванні спыніцца, паведамляе Дзяржпамежкамітэт. Усе чацвёра затрыманыя, гэта ўраджэнцы Пастаўскага раёна ад 23 да 42 гадоў.
Як сцвярджае прэс-служба ДПК, машыну памежнікі абстралялі, каб прымусіць тых, хто ў ёй знаходзіўся, спыніць рух. Усяго сілавікі нібыта зрабілі адзін папераджальны стрэл у паветра і сем стрэлаў па колах аўтамабіля.
Як дадаюць у ведамстве, на месцы здарэння і па месцы жыхарства затрыманых сілавікі выявілі цеплавізар, прыбор начнога бачання, шэсць радыёстанцый і навігатар. З якой мэтай яны хацелі нелегальна перабрацца праз мяжу — пакуль не паведамляецца.
«У дачыненні да ўсіх правапарушальнікаў пачаты адміністрацыйны працэс за замах на незаконнае перасячэнне мяжы, парушэнне памежнага рэжыму і непадпарадкаванне законным патрабаванням супрацоўнікаў органаў пагранслужбы. Пасля высвятлення ўсіх абставінаў дзеянням мужчын будзе дадзена прававая ацэнка», — піша прэс-служба ДПК.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца7
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары