Сталі вядомыя памеры надбавак медыкам з 1 ліпеня. На Нацыянальным прававым інтэрнэт-партале апублікаваныя пастановы Мінздароўя №57 і 58 ад 22 чэрвеня.
Урачам дадзеная надбаўка 85% ад акладу, а сярэдняму медперсаналу — 35%.
Пры гэтым на асобных участках, у залежнасці ад складанасці і інтэнсіўнасці выкананай працы ўсталяваны большы памер надбаўкі:
— у прыёмных аддзяленнях стацыянараў, аддзяленнях для пацыентаў з інсультамі, участковай службе паліклінік устаноўлена: урачам 135% акладу, сярэднім медработнікам 50% акладу;
— выязных брыгад хуткай медыцынскай дапамогі: урачам 135% акладу, сярэднім медработнікам 60% акладу;
— у аддзяленнях анестэзіялогіі і рэанімацыі: урачам 200% акладу, сярэднім медработнікам 70% акладу.
Устаноўленая надбаўка за асаблівасць прафесійнай дзейнасці малодшым медыцынскім сёстрам і санітаркам прыёмных аддзяленняў стацыянараў, аддзяленняў (палат) для пацыентаў з інсультамі, выязных брыгад хуткай медыцынскай дапамогі, аддзяленняў (палат) анестэзіялогіі і рэанімацыі ў памеры 15% акладу.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6363
Каментары