За наданне Украіне статуса кандыдата ў Еўрасаюз выказаліся ўжо ўсе краіны-сяброўкі
У жывым эфіры ўкраінскага тэлемарафону віцэ-прэм’ерка Украіны па пытаннях еўраінтэграцыі Вольга Стэфанішына заявіла, што наданне Украіне статусу кандыдата ў сябры Еўрасаюза падтрымліваюць ужо ўсе цяперашнія краіны-сяброўкі.
«Усе краіны Еўрасаюза пацвердзілі, што яны падтрымліваюць наданне Украіне статусу кандыдата пасля пастановы Еўракамісіі ў мінулую пятніцу. Краіны выказалі сваю падтрымку, нават не чакаючы пасяджэння 24 чэрвеня», — паведаміла Стэфанішына.
Гэтым разам пакуль не стаў пярэчыць украінскай еўраінтэграцыі нават венгерскі лідар Віктар Орбан, які найбольш з усіх лідараў Еўрасаюза схільны аглядацца на Маскву.
Зрэшты, застаюцца пытанні адносна фармату канчатковай пастановы. Хоць само наданне Украіне статусу кандыдата, здаецца, і мае кансэнсус сярод лідараў краінаў Еўрасаюза, але кожная можа прапанаваць дадатковыя ўмовы, якія могуць шлях Украіны ў Еўропу значна ўскладніць і зацягнуць.
Пакуль што Еўрапейская камісія рэкамендавала Еўрапейскай радзе надаць Украіне статус кандыдата на ўступленне ў Еўрасаюз. Канчатковая ж пастанова мусіць быць прынята Еўрарадай 23-24 чэрвеня.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу15
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ2828
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ28
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары