Украінскія ўцекачы будуць мець права жыць і працаваць у Еўрапейскім Саюзе да трох гадоў у адпаведнасці з планам надзвычайных сітуацый, паведамляе Міністэрства ўнутраных спраў Украіны.
Пасля таго, як тыдзень таму Расія пачала жорсткую атаку на Украіну, амаль 875 000 чалавек вымушаныя былі пакінуць свае дамы. Больш за палову (454 тыс.) украінцаў выехалі ў Польшчу, 116 000 — у Венгрыю, 67 000 — у Славакію, 45 000 — у Румынію і 79 000 — у Малдову, якая не ўваходзіць у ЕС.
ЕС прадугледжвае наданне грамадзянам Украіны і рэзідэнтам краіны права жыць, працаваць, атрымліваць медыцынскую дапамогу, жыллё і адукацыю неадкладна на тэрмін да аднаго года, без неабходнасці праходзіць працяглыя працэдуры атрымання прытулку.
Калі ж канфлікт працягнецца доўга ці ўцекачы не змогуць бяспечна вярнуцца, то гэты статус можа быць працягнуты яшчэ на два гады.
Грамадзяне Украіны ўжо маюць 90-дзённы бязвізавы доступ у Еўрасаюз, але гэтая беспрэцэдэнтная змена ў заканадаўстве ЕС гарантуе ім статус пасля заканчэння гэтага тэрміну.
Цяпер чытаюць
Вандроўнік і бізнэсовец з Мінска за два дні знайшоў сабе праз сацсеткі нявесту — найбольш спадабалася дзяўчына з Расіі9
Каментары