Biežancy z Ukrainy zmohuć žyć u Jeŭrasajuzie na praciahu troch hadoŭ
Ukrainskija ŭciekačy buduć mieć prava žyć i pracavać u Jeŭrapiejskim Sajuzie da troch hadoŭ u adpaviednaści z płanam nadzvyčajnych situacyj, paviedamlaje Ministerstva ŭnutranych spraŭ Ukrainy.
Paśla taho, jak tydzień tamu Rasija pačała žorstkuju ataku na Ukrainu, amal 875 000 čałaviek vymušanyja byli pakinuć svaje damy. Bolš za pałovu (454 tys.) ukraincaŭ vyjechali ŭ Polšču, 116 000 — u Vienhryju, 67 000 — u Słavakiju, 45 000 — u Rumyniju i 79 000 — u Małdovu, jakaja nie ŭvachodzić u ES.
ES praduhledžvaje nadańnie hramadzianam Ukrainy i rezidentam krainy prava žyć, pracavać, atrymlivać miedycynskuju dapamohu, žyllo i adukacyju nieadkładna na termin da adnaho hoda, bieź nieabchodnaści prachodzić praciahłyja pracedury atrymańnia prytułku.
Kali ž kanflikt praciahniecca doŭha ci ŭciekačy nie zmohuć biaśpiečna viarnucca, to hety status moža być praciahnuty jašče na dva hady.
Hramadzianie Ukrainy ŭžo majuć 90-dzionny biaźvizavy dostup u Jeŭrasajuz, ale hetaja biesprecedentnaja źmiena ŭ zakanadaŭstvie ES harantuje im status paśla zakančeńnia hetaha terminu.
Ciapier čytajuć
Dla kaho sabralisia budavać vielizarny vantavy most u Minsku?3
Kamientary