Беларусь плануе да канца года пачаць вытворчасць вакцыны «Спутнік V» па поўным цыкле
Аб гэтым паведаміў журналістам сёння міністр аховы здароўя Дзмітрый Піневіч, піша БелТА.
«Поўны цыкл вытворчасці «Спутніка V» да канца гэтага года пачнецца на вул. Аранскай на плошчах «Белмедпрэпаратаў», — сказаў Дзмітрый Піневіч.
Міністр не ўдакладніў, у якіх аб'ёмах плануецца вырабляць вакцыну па поўным цыкле на вытворчай пляцоўцы ў Мінску.
«Наша асноўная задача цяпер — каб гэта была якасная вакцына. Яна павінна паўтараць у поўнай меры існуючую вакцыну», — адзначыў ён.
Дзмітрый Піневіч падкрэсліў, што для той вытворчасці, якая пачне выпускаць вакцыну «Спутнік V», потым не цяжкай будзе лакалізацыя вакцыны «Спутнік Лайт».
«Мы закупілі вакцыну «Спутнік Лайт». Цяпер яе даволі актыўна прымяняем. Яе лакалізацыя патрэбна будзе толькі тады, калі будзе відаць, што «Спутнік Лайт» пойдзе ў шырокі абарот і для гэтага будзе эканамічная мэтазгоднасць, — дапоўніў міністр. — Нашы калегі — стратэгічныя партнёры з Расійскай Федэрацыі — акрамя «Спутнік Лайт» распрацоўваюць яшчэ дзіцячыя вакцыны на аснове «Спутніка V».
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу15
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ3131
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ31
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары