Улада

Вольга Карач пра стваральніка «экстрэмісцкага» чата АГСБ: Дыс — гэта новы Кастусь Каліноўскі

Падчас свайго ютуб-эфіру кіраўніца ініцыятывы «Наш дом» Вольга Карач выказала стаўленне да Дзяніса Хромава.

Яна заявіла, што атрады грамадзянскай самаабароны Беларусі (АГСБ) датычныя да інцыдэнту ў Вілейцы, дзе нібыта адбылася спроба ўзарваць вузел сувязі ВМФ Расіі (дагэтуль невядома, ці яна сапраўды была і ці была паспяховая), а таксама да ідэі нападу на Рыгора Азаронка. А таксама адзначыла выключную ролю стваральніка чата АГСБ Дзяніса Хромава (нік «Дыс»).

«Усе гэтыя падзеі здзяйснялі атрады грамадзянскай самаабароны. Ніякія гэта не тэрарысты, вядома. Ёсць атрады грамадзянскай самаабароны — мужныя людзі, якія змагаюцца за свабоду і незалежнасць Беларусі. Дыс — адзін з іх лідараў. Зразумела, ніякая Меркель не мае да гэтага дачынення і ніякія грамадзяне Расійскай Федэрацыі таксама не маюць дачынення да атрадаў грамадзянскай самаабароны, таму што там толькі беларусы і іншых людзей наогул там быць не можа, — перакананая Карач. 

 - І Дыс — вельмі адважны чалавек, новы Кастусь Каліноўскі ў маім успрыманні. Ён звычайны беларус. Я ім шчыра захапляюся».

Насамрэч Дыс — былы расійскі рэпер, які цяпер жыве ў Германіі.

Чытайце таксама: Што такое «Атрады грамадзянскай самаабароны», якіх Лукашэнка абвінаваціў у тэрарызме?

Апроч таго, Карач агучыла сваю версію нападу на Рыгора Азаронка. Яна лічыць, што відэа затрымання Дзмітрыя Сасноўскага, апублікаванае дзяржаўнымі тэлеканаламі, — фэйк.

«Факт застаецца фактам: Сасноўскі ўвогуле не мае дачынення да Азаронка. Група, якая хацела злосна пажартаваць з Азаронка, уся на свабодзе, нікога не злавілі. А Сасноўскі быў затрыманы нашмат раней і з прычыны знаходжання ў СІЗА ніяк не мог удзельнічаць 1 ліпеня ні ў чым. Ён быў затрыманы 27 чэрвеня», — тлумачыць Карач.

Аднак словы жонкі Сасноўскага абвяргаюць заяву Карач. Жонка Сасноўскага расказала, што яе муж прапаў увечары 1 ліпеня, а перад тым на працягу тыдня быў з сям'ёй.

Чытайце таксама. Хто такі Дзмітрый Сасноўскі, якога абвінавачваюць у замаху на Азаронка? Падрабязнасці

Каментары

Цяпер чытаюць

Што за 17-гадовы стартапер, які выліў цэбар хлусні на Лібера на радасць беларускім спецслужбам7

Што за 17-гадовы стартапер, які выліў цэбар хлусні на Лібера на радасць беларускім спецслужбам

Усе навіны →
Усе навіны

Правы кандыдат Сіміён нечакана прайграў на выбарах прэзідэнта Румыніі і ўжо прызнаў паразу3

Фермеры наракаюць: ураджай будзе малы. Такіх частых замаразкаў не назіралі апошнія 30 гадоў5

У Джо Байдэна знайшлі рак у агрэсіўнай форме3

У Польшчы ў другі тур выходзяць мэр Варшавы Тшаскоўскі і гісторык Наўроцкі 32

Экзіт-полы ў Румыніі: Цэнтрыст Дан перамагае на выбарах са значным адрывам15

Праграмістка з Мінска: Я зарабляю 12 тысяч рублёў у месяц. Пры гэтым практычна ўвесь хатні побыт на мне12

«Як купіла сукенку на смерць 38 гадоў таму, так і ляжыць». Бабуля з вёскі паказала свой куфар2

У Беларусі хочуць пастрожыць правілы выдачы пазык

Вы кажаце, што ШІ заменіць чалавека? Вы не разумееце натуры чалавека3

больш чытаных навін
больш лайканых навін

Што за 17-гадовы стартапер, які выліў цэбар хлусні на Лібера на радасць беларускім спецслужбам7

Што за 17-гадовы стартапер, які выліў цэбар хлусні на Лібера на радасць беларускім спецслужбам

Галоўнае
Усе навіны →

Заўвага:

 

 

 

 

Закрыць Паведаміць