УЕФА запатрабаваў ад Украіны прыбраць з формы зборнай слоган «Героям слава», а «Слава Украіне» пакінулі
Саюз еўрапейскіх футбольных асацыяцый (УЕФА) прааналізаваў форму зборнай Украіны на Еўра-2021 пасля запыту з боку Расійскага футбольнага саюза.
УЕФА абавязаў прыбраць з формы зборнай Украіны на Еўра-2021 прывітанне «Героям слава». У ім знайшлі палітычны кантэкст. Пра гэта УЕФА паведаміла ў каментары РБК-Украіна.
Ва УЕФА заявілі, што пакінулі без зменаў наяўнасць на форме зборнай Украіны карты Крыма, паколькі межы дзяржавы з анексаваным паўвостравам прызнаныя ААН, а таксама прывітанне «Слава Украіне», якое было дазволена яшчэ ў 2018 годзе.
Першапачаткова прадстаўнікі арганізацыі не даследавалі пытанне з кантэкстам прывітання ў адказ «Героям слава» дэталёва, а пасля дадатковай праверкі нібыта выявілі, што ў ім ёсць палітычны падтэкст, а таксама гістарычны і мілітарысцкі сэнс. З-за гэтага УЕФА запатрабаваў прыбраць фразу з футболак для выступленняў на Еўра-2021.
У канцы мінулага тыдня прэзентавалі новую форму зборнай Украіны на ЧЕ па футболе, які стартуе ў пятніцу. На форме пазначаны сілуэт дзяржавы, які ўключае ў сябе Крым, а таксама Данбас і Луганшчыну. Слоганы «Слава Украіне» і «Героям слава» былі размешчаны на каўнерыку.
Чытайце таксама:
УЕФА ўзгадніў форму зборнай Украіны на Еўра-2021 з выявай Крыма
Расія паскардзілася ва УЕФА з-за формы зборнай Украіны
Цяпер чытаюць
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую8
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ6767
Каментары