Марыя Калеснікава: Год таму я прыняла самае важнае рашэнне ў сваім жыцці, і ні секунды не шкадую
Допіс Марыі Калеснікавай, якая ад 8 верасня знаходзіцца за кратамі, змешчаны ў яе фэйсбуку.
Роўна год таму, 12 мая 2020 года, Віктар Бабарыка заявіў, што будзе балатавацца ў прэзідэнты. І тады пачала фарміравацца яго каманда. 18 чэрвеня Віктар і Эдуард Бабарыкі былі затрыманыя.
«12 мая, год таму я прыняла самае важнае рашэнне ў маім жыцці. Разумеючы ўсе рызыкі і высокую верагоднасць, што я апынуся там, дзе я зараз — я з радасцю стала часткай каманды Віктара Дзмітрыевіча. Ні на секунду не шкадую аб сваім рашэнні і цяпер», — піша Марыя.
«Гэты год аказаўся самым складаным і самым шчаслівым у маім жыцці. Разумею, як дзіўна гэта гучыць ад чалавека з турмы. Але здабыла я нашмат больш, чым страціла: унікальны вопыт, драйв неверагодны, масу новых ведаў і ўменняў (напрыклад, раней я ніколі не вяла стрым, не пісала 170 лістоў у месяц, не бегала кожны дзень і не чытала так шмат добрых кніг). Я здабыла ўнутраную свабоду і шчасце заставацца сабой у любой сітуацыі. Але самы галоўны цуд — гэта неверагодныя беларусы — Ваша падтрымка і любоў надаюць каласальную сілу! Я ўдзячная Віктару Дзмітрыевічу, Эдзіку [Бабарыку], Максіму [Знаку], Іллі [Салею] і ўсёй камандзе — вы сталі мне, як сям'я, і я шчаслівая прайсці гэты шлях разам! Вялікі дзякуй за гэты год маёй сястры, тату, родным і блізкім за падтрымку і стойкасць і бязмерную любоў, якая і ёсць мая абарона!», — напісала Марыя Калеснікава.
-
Блізкія 74‑гадовага святара, які загінуў на трасе пад Фаніпалем, кажуць, што ён не перабягаў дарогу, а ратаваў параненага сабаку
-
«Яго ўласныя дзеці адпраўляліся ў ГДР». Сузаснавальніца фонду «Дзецям Чарнобыля» пра тое, чаму яго не любіў Лукашэнка
-
«Ужо ў СІЗА». За жахлівы падзеж цялят на Гомельшчыне арыштавалі кіраўніка гаспадаркі
Цяпер чытаюць
«Фемінізм у маім выпадку перамог». Вераніка Станкевіч — пра дапамогу палітвязням у «Вольных» і планы на вяселле з Івуліным15
Каментары