Лукашэнка пра сітуацыю з кіслародам у Віцебску: Калі там палітыка, то значыць трэба на месца чалавека ставіць
Аляксандр Лукашэнка 12 сакавіка падчас наведвання бальніцы ў Маладзечне спытаў у кіраўніка Міністэрства аховы здароўя Дзмітрый Піневіча аб здарэнні з кіслародам у БХМД Віцебска.
— А што ў інтэрнэце нейкі доктар заяўляў аб тым, што…, — сказаў Лукашэнка.
— БХМД Віцебска, — падказаў Дзмітрый Піневіч.
— Дык што там за праблема? Не хапае кіслароду…
— Я не думаю, каб там не хапала кіслароду, — сказаў памочнік Лукашэнкі Аляксандр Косінец.
— Былі невялікія перапынкі, мы там камісію высылалі. Ну там чалавек…, — замяўся з адказам кіраўнік Міністэрства аховы здароўя.
— Ну калі там палітыка, то значыць трэба на месца чалавека ставіць, — заявіў Лукашэнка.
— Паставім, — паабяцаў Піневіч.
— Нам не да палітыкі цяпер. Трэба спыняць падобныя рэчы. Калі там сапраўды ёсць праблема, то яе трэба вырашаць, — працягнуў Лукашэнка.
Нагадаем, раней Уладзімір Мартаў, загадчык аддзялення анестэзіялогіі і рэанімацыі Віцебскай гарадской клінічнай бальніцы хуткай медыцынскай дапамогі (БХМД), распавёў, што ў пачатку студзеня ў бальніцы адбылося надзвычайнае здарэнне з кіслародам. Ён не назваў дакладную колькасць памерлых, але паведаміў, што гэта быў «не адзін і не два чалавекі».
Чытайце таксама: «У хірургічным корпусе адключылася падача кіслароду. Сталі паміраць людзі». Доктар расказаў пра трагедыю ў Віцебску
Цяпер чытаюць
23‑гадовы ахоўнік з Астраўца загінуў за Расію на вайне. Паваяваў ён, відаць, каля месяца15
Каментары