ЕС паставіў палітычную задачу павялічыць вытворчасць камп’ютарных чыпаў
Еўрапейская камісія хоча дабіцца, каб унутры ЕС выраблялася 20% сусветнай прадукцыі перадавых чыпаў.
10% чыпаў планеты цяпер вырабляюцца ў еўрапейскіх краінах, ЕС хоча ўдвая павялічыць гэтую долю да канца дзесяцігоддзя, паведамляе BBC.
Аднак праблема ў тым, што ЗША і Кітай таксама імкнуцца вырабляць больш камп’ютарных чыпаў.
На сёння ж у гэтай галіне дамінуюць тайваньская кампанія TSMC і паўднёвакарэйская Samsung. Гэтыя кампаніі вырабляюць найбольш сучасныя чыпы.
«Мы знаходзімся ў парадаксальнай сітуацыі, калі Еўропа выкарыстоўвае шмат розных чыпавых тэхналогій, аднак сама вырабляе іх мала», — адзначыла Маргрэт Вестагер, віцэ-прэзідэнт Еўракамісіі.
Некаторыя выказваюць меркаванне, што ЕС да гэтых дзеянняў пабудзіла напружанасць паміж ЗША і Кітаем у гэтай галіне. Камп’ютарныя чыпы — найважнейшыя стратэгічныя кампаненты, якія з’яўляюцца асновай для вялікай колькасці тэхналогій. Магчымасць вырабляць перадавыя чыпы набывае геапалітычнае значэнне.
Раней у Еўропе індустрыя вытворчасці чыпаў развівалася вельмі хутка. Аднак такія буйныя кампаніі, як нідэрландаская NXP Semiconductors або нямецкая Infineon Technologies, перадалі большую частку сваёй вытворчасці на аўтсорсінг.
Вытворчасць чыпаў — надзвычай дарагі бізнэс. Згодна з ацэнкамі экспертаў, будоўля такога завода можа абысціся ў $20 мільярдаў. Да таго ж, патрэбна шмат гадоў, каб такія расходы акупіліся.
Больш за тое, сучасныя чыпы становяцца ўсё больш складанымі, таму асваенне іх вытворчасці выклікае пэўныя цяжкасці.
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары