СК пракаментаваў блакіроўку рахункаў з-за ByHelp. Аляксей Лявончык прызнаны падазраваным па крымінальнай справе
Банкаўскія рахункі, на якія пацярпелыя беларусы атрымлівалі грашовую дапамогу ад кампаніі ByHelp, пачалі блакаваць. Вядома больш чым пра 60 такіх выпадкаў.
СК сцвярджае, што гаворка ідзе пра арышт сродкаў, якія «паступалі ў краіну для фінансавання пратэсных акцый».
«Галоўным следчым упраўленнем Следчага камітэта працягваецца расследаванне крымінальнай справы аб публічных закліках да дзеянняў, накіраваных на прычыненне шкоды нацыянальнай бяспецы, — гаворыцца ў паведамленні ведамства.
«Падчас расследавання з ДФР КДК атрыманая інфармацыя, якая сведчыць аб здзяйсненні Аляксеем Лявончыкам дзеянняў, накіраваных на дэстабілізацыю грамадскага парадку. Ён прызнаны падазраваным па крымінальнай справе. Устаноўлены факты пералічэння з падкантрольнага яму рахунку ў адным з заходніх банкаў грашовых сродкаў для падтрымання пратэсных акцый у Беларусі і аказання матэрыяльнай дапамогі асобам, якія прымаюць у іх актыўны ўдзел. У мэтах спынення далейшай злачыннай дзейнасці на грашовыя сродкі, якія паступілі ў краіну для фінансавання пратэсных акцый, накладзены арышт. Праводзяцца неабходныя следчыя дзеянні і аператыўна-вышуковыя мерапрыемствы па ўстанаўленні іншых абставін фінансавання несанкцыянаваных масавых мерапрыемстваў», — паведамляе СК.
Цяпер чытаюць
«Не хачу чуць «спердаляй да Украіны» толькі таму, што размаўляю з бацькамі па тэлефоне на рускай». Беларусы дзеляцца, чаму вяртаюцца з Польшчы6
Каментары