SK prakamientavaŭ błakiroŭku rachunkaŭ z-za ByHelp. Alaksiej Lavončyk pryznany padazravanym pa kryminalnaj spravie
Bankaŭskija rachunki, na jakija paciarpiełyja biełarusy atrymlivali hrašovuju dapamohu ad kampanii ByHelp, pačali błakavać. Viadoma bolš čym pra 60 takich vypadkaŭ.
SK śćviardžaje, što havorka idzie pra aryšt srodkaŭ, jakija «pastupali ŭ krainu dla finansavańnia pratesnych akcyj».
«Hałoŭnym śledčym upraŭleńniem Śledčaha kamiteta praciahvajecca rasśledavańnie kryminalnaj spravy ab publičnych zaklikach da dziejańniaŭ, nakiravanych na pryčynieńnie škody nacyjanalnaj biaśpiecy, — havorycca ŭ paviedamleńni viedamstva.
«Padčas rasśledavańnia z DFR KDK atrymanaja infarmacyja, jakaja śviedčyć ab ździajśnieńni Alaksiejem Lavončykam dziejańniaŭ, nakiravanych na destabilizacyju hramadskaha paradku. Jon pryznany padazravanym pa kryminalnaj spravie. Ustanoŭleny fakty pieraličeńnia z padkantrolnaha jamu rachunku ŭ adnym z zachodnich bankaŭ hrašovych srodkaŭ dla padtrymańnia pratesnych akcyj u Biełarusi i akazańnia materyjalnaj dapamohi asobam, jakija prymajuć u ich aktyŭny ŭdzieł. U metach spynieńnia dalejšaj złačynnaj dziejnaści na hrašovyja srodki, jakija pastupili ŭ krainu dla finansavańnia pratesnych akcyj, nakładzieny aryšt. Pravodziacca nieabchodnyja śledčyja dziejańni i apieratyŭna-vyšukovyja mierapryjemstvy pa ŭstanaŭleńni inšych abstavin finansavańnia niesankcyjanavanych masavych mierapryjemstvaŭ», — paviedamlaje SK.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami15
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary