У Мінску затрымалі музыку Максіма Субача — удзельніка музычных праектаў TonqiXod і Subtonans, а таксама сябра ініцыятыўнай групы Віктара Бабарыкі, паведамляе Будзьма.
Пра затрыманне паведаміла ў фэйсбуку першая намесніца старшыні Беларускага ПЭН-цэнтра Таццяна Нядбай.
Па яе словах, увечары ў нядзелю Максім Субач быў на выбарчым пікеце — гэта пацвярджае яго жонка. Апошняя сувязь з ім была ў нядзелю а 23-й.
«У панядзелак пасля 16 гадзінаў менеджар з працы Максіма пазваніў яго маме і спытаў, дзе Максім, бо той не выйшаў у панядзелак на працу», — піша Нядбай.
Пошукі Субача далі пэўны плён: яго маці патэлефанавалі з Цэнтральнага РУУС Мінска і паведамілі, што сын затрыманы за дробнае хуліганства. Пазней паведамілі, што яго пераводзяць у цэнтр ізаляцыі правапарушальнікаў (ЦІП) на Акрэсціна.
«Сёння ў ЦІПе на Акрэсціна кажуць, што Максіма няма ў іх, а ў Цэнтральным РУУСе кажуць, што перавялі і ў іх таксама няма. Нібыта заўтра суд», — дадае Нядбай.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5050
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ50
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары