Мінчукі скардзяцца на сур'ёзную праблему з вадой у велізарным мікрараёне: «Пасля душа ўсё смярдзіць, вочы шчыпле»
Сёння раніцай у Tut.by сталі паступаць скаргі на хімічны пах вады ад мінчан, якія жывуць у Сухараве. «Пах падобны на ёд — вельмі з'едліва і брыдка», — кажа адна з жыхарак вуліцы Шаранговіча. На такую ж праблему паскардзіліся жыхары Малінаўкі.
«У Сухараве жудасна смярдзіць вада з-пад крана. Немагчыма нават пачысціць зубы. Смярдзіць нейкай мазутай», — паведаміла мінчанка Ганна.
«Ваду не тое што піць нельга, ёй мыцца немагчыма. Калі гэта нейкая планавая чыстка, то трэба было пра гэта папярэджваць. Пасля душа ўсё цела смярдзіць і вочы шчыпле», — паведаміла Наста, якая жыве ў доме на вуліцы Панчанкі.
Жыхарка дома на Шаранговіча кажа, што пасля душа ўсе пачуваюцца дрэнна.
У адным з таварыстваў уласнікаў дома на Акадэміка Карскага жыхарам патлумачылі, што нібыта на водаканале здарылася аварыя — штосьці трапіла ў ваду.
«Высвятляюць, прымяняюць меры па ліквідацыі. Па тэрмінах ліквідацыі невядома», — паведамляюць людзям.
Жыхары кажуць, што ваду ім не адключалі, раней такога не было.
TUT.BY спрабуе атрымаць каментары ў камунальных службах, як толькі стане вядомая прычына і тэрміны ліквідацыі праблемы — матэрыял будзе дапоўнены.
З даступнай інфармацыі: на сайце «Мінскводаканала» — вялікі спіс вуліц, на якіх можа пагоршыцца водазабеспячэнне ў розны час 24-26 чэрвеня.
Напрыклад, там сказана, што з 9:00 24 чэрвеня па 9:00 26 чэрвеня, «у сувязі з рэгламентнымі працамі, што праводзяцца УП «Мінскводаканал» (тэл. 389-40-31), магчыма пагаршэнне якасці водазабеспячэння ў м-нах Сухарава, Малінаўка, Паўднёвы Захад у названы перыяд і наступныя 3-е сутак».
Там жа адзначаецца, што па неабходнасці часова пітную ваду могуць падвозіць у цыстэрнах па наступных адрасах: Янкоўскага, 6, скрыжаванне вуліц Сухараўская і Лабанка, скрыжаванне вуліц Рафіева і Любімава, скрыжаванне вуліц Рафіева і Ясеніна. Паказаны тэлефон: 389-40-31.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу15
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ2828
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ28
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары