абноўлена
Расійскі акцёр Міхаіл Яфрэмаў здзейсніў смяротнае ДТЗ, яму пагражае да 12 гадоў турмы
У цэнтры Масквы адбылося ДТЗ з удзелам акцёра Міхаіла Яфрэмава. У выніку здарэння памёр адзін чалавек, піша tass.ru.
Інцыдэнт адбыўся 8 чэрвеня каля 23:00 на Смаленскай плошчы.
Міхаіл Яфрэмаў за рулём Jeep Grand Cherokee выехаў на паласу сустрэчнага руху і сутыкнуўся з Lada.
Кіроўцу Lada з траўмамі рознай ступені цяжкасці даставілі ў бальніцу. Пацярпелы працаваў кур'ерам у кампаніі дастаўкі ежы. Раніцай 9 чэрвеня ён памёр у бальніцы.
У момант здарэння акцёр быў у стане алкагольнага ап'янення, паведамілі ў ГУ МУС РФ па Маскве.
У дачыненні да Яфрэмава распачалі крымінальную справу, яму пагражае да дванаццаці гадоў пазбаўлення волі.
Акцёра выпусцілі пад падпіску аб нявыездзе.
Каментары