Азербайджан пра пастаўкі нафты ў Беларусь: Перамовы вяліся, мы гатовыя, але нічога канкрэтнага пакуль што няма
Азербайджан гатовы пастаўляць нафту Беларусі, перамовы пра гэта былі, але пакуль што канкрэтнага рашэння няма, паведаміў РИА Новости афіцыйны прадстаўнік дзяржаўнай нафтавай кампаніі Азербайджана (SOCAR) Ібрагім Ахмедаў.
Фота: Надзеі Бужан.
Першы віцэ-прэм'ер Беларусі Дзмітрый Круты раней у аўторак заявіў, што чакае ў хуткім часе дамоўленасцей па імпарце ў краіну нафты, альтэрнатыўнай расійскай, зараз разглядаецца магчымасць паставак з шэрагу краін, у тым ліку з Азербайджана.
«Перамовы на гэты конт вяліся, у прынцыпе мы гатовыя, можам паставіць, як і раней. У нас ёсць, як вы ведаеце, нафта Аzeri-light. Але нічога канкрэтнага пакуль што на гэты конт няма», — сказаў Ахмедаў.
Каментары