У Якуціі затрымалі шамана Аляксандра Габышава, які ішоў у Маскву «выганяць прэзідэнта Расіі Уладзіміра Пуціна» і аднавіў свой паход два дні таму. Пра гэта заявіў каардынатар праваабарончай арганізацыі «Праваабарона Паштоўкі» Аляксей Пранішнікаў, піша ТАСС.
«У аўторак [10 снежня] Габышаў і некалькі яго паплечнікаў былі затрыманыя на тэрыторыі Якуціі. Для гэтага праваахоўнікі прыцягнулі некалькі паліцэйскіх экіпажаў», — сказаў праваабаронца, не ўдакладніўшы, на якой падставе затрымалі шамана з аднадумцамі і куды іх павязуць.
Раней стала вядома аб аднаўленні паходу Габышава. Паўторна на Маскву ён выйшаў 8 снежня з двума людзьмі і чатырма сабакамі. Пранішнікаў адзначыў, што шаман больш не пад падпіскай аб нявыездзе і «не абмежаваны ніякімі мерамі».
Пра свой намер аднавіць паход Габышаў заявіў 10 кастрычніка. «Уся Расія за мяне, простыя людзі ўсе за мяне. Я буду ісці са сваім меркаваннем, хоць мільярд будзе перада мной прыхільнікаў Пуціна, хоць уся Зямля за яго будзе. <…> Мне галоўней загад бога», — сказаў ён.
Перад гэтым Габышава затрымлівалі 19 верасня.
Цяпер чытаюць
За мінулы год насельніцтва Беларусі скарацілася яшчэ на 53 тысячы чалавек6
За мінулы год насельніцтва Беларусі скарацілася яшчэ на 53 тысячы чалавек
«Трэба сесці і размаўляць. Калі не атрымліваецца — устаць і пайсці». Коўл заявіў пра неабходнасць дыялогу паміж Беларуссю і Літвой на ўзроўні міністраў замежных спраў1818
Каментары