Свет1111

Ізноў хапун у Маскве: 500 затрыманых на мітынгу «Дапускай» з патрабаваннем рэгістрацыі апазіцыйных кандыдатаў

Па стане на 16.25 у Маскве затрымалі, як мінімум, 435 чалавек, піша Медуза са спасылкай на ОВД-інфо. 

Не ўзгодненая ўладамі акцыя за допуск да выбараў у Маскоўскую гардуму незалежных кандыдатаў, якіх выбаркам раней адхіліў ад удзелу, пачалася каля 14.00 на Цвярской вуліцы каля мэрыі. Пратэстоўцы прарвалі ачапленне ў раёне перасячэння Цвярской вуліцы з Цвярскім і Страсным бульварамі і выйшлі на праезную частку.

Частку пратэстоўцаў паліцыя выціснула з Цвярской вуліцы ў завулкі. Мясцовыя жыхары наракае, што іх не прапускаюць да іх дамоў па ачэпленай Цвярской і завулках.

Акцыя праходзіць без лідараў апазіцыі — да пачатку мерапрыемства большасць з іх былі затрыманыя. Сярод іх — антыкарупцыйны блогер Аляксей Навальны, прэзідэнт Фонду барацьбы з карупцыяй Іван Жданаў, не дапушчаныя да ўдзелу ў выбарах кандыдаты Дзмітрый Гудкоў, Юлія Галяміна, Ілья Яшын, Аляксандр Салаўёў і Любоў Собаль.

Маскоўскі гарвыбаркам патлумачыў адмову рэгістраваць кандыдатаў апазіцыі на выбарах у гардуму перавышэннем дапушчальнага ўзроўню несапраўдных подпісаў і іншымі парушэннямі.

Ад не дапушчаных да выбараў удзельнікаў у Масгарсуд было пададзена 29 пазоваў, у якіх кандыдаты аспрэчваюць рашэнні акруговых выбарчых камісій і Масгарвыбаркама.

У Расіі ўладу кантралюе групіроўка Уладзіміра Пуціна. Партыя ўлады называецца «Адзіная Расія». Свабодна дзейнічаюць таксама некалькі псеўдаапазіцыйных партый — камуністы, ліберал-дэмакраты, «Справядлівая Расія» ды іншыя, якія, аднак, не кідаюць выкліку рэжыму. Сістэма нагадвае тую, якая існавала ў ГДР, калі рэзідэнтам савецкай спецслужбы там быў Уладзімір Пуцін. Многія рэальныя апаненты яго ўлады былі забітыя, як Барыс Нямцоў, выціснутыя за мяжу, як Хадаркоўскі, або крымінальна пераследаваныя, як Навальны.

Каментары11

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны22

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

Аргазм ёсць, а спермы няма. Што такое рэтраградная эякуляцыя і чым яна небяспечная11

Зяленскі заявіў, што Украіна спыніла больш за палову расійскай нафтаперапрацоўкі7

Літва заклікала прызнаць ГРУ тэрарыстычнай арганізацыяй9

Зборная Беларусі па футболе прайграла Албаніі ў вырашальным матчы Лігі нацый14

Легендарны тэлескоп «Хабл» падае на Зямлю. НАСА тэрмінова шукае тых, хто яго выратуе або затопіць16

«Дайце круглую суму і год — будзе вам любы шэдэўр Мікеланджэла!» Улады запатрабавалі перарабіць «Быхаўскую мадонну». Аўтар падточвае яе балгаркай31

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны22

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць