Грамадства3434

Вернікі патрабуюць беларускамоўных літургіяў у прыходзе, з якога звольнілі святара Шрамка

Фота: arhangelhram.by

Вернікі прыходу сьвятога Архангела Міхаіла, што ў менскім мікрараёне Сухарава (вул. Янкоўскага,2), перадалі кіраўніку Беларускай праваслаўнай царквы мітрапаліту Паўлу зварот у сувязі з скасаваньнем беларускамоўных літургіяў, якія служыліся штонядзелі з сакавіка 2015 году, піша радыё «Свабода».

У Менскай эпархіі, куды Свабода зьвярнулася па камэнтар, сказалі, што варта пачакаць, што адкажа вернікам мітрапаліт Павел.

Паводле прыхаджанаў, пры плянаваньні службаў на лістапад і далейшыя месяцы высьветлілася, што літургіі на беларускай мове на сьвята Раства, як гэта было тры гады запар, не плянуецца, а колькасьць беларускамоўных літургіяў скарачаецца — яны будуць толькі раз на тры месяцы ў будзённы дзень.

Раней беларускамоўныя літургіі ў прыходзе сьвятога Архангела Міхаіла служыў айцец Аляксандар Шрамко, якога за крытыку патрыярха Кірыла сёлета ў кастрычніку вызвалілі ад пасады сьвятара «бяз права служэньня, нашэньня ярэйскага крыжа і даваньня блаславеньня».

Чытайце таксама: Адхілены ад службы Аляксандр Шрамко намуляў царкоўным уладам яшчэ ў 2006-м: епархія апублікавала дакументы

«Сапраўды, там служыў Аляксандар Шрамко, у кастрычніку яго вызвалілі ад пасады. І служыць па-беларуску там няма каму. Пакуль, да вырашэньня праблемы, магу прыхаджанам параіць наведваць іншыя храмы: у сталіцы ў Менскай духоўнай акадэміі, у Петрапаўлаўскім саборы ёсьць беларускамоўныя набажэнствы. А наагул — так, у многіх цэрквах бракуе сьвятароў, якія могуць весьці набажэнствы, казаньні па-беларуску», — прызналі ў Менскай эпархіі.

Сам айцец Аляксандар Шрамко сказаў Свабодзе, што шукаць праблему варта ня ўверсе, бо яна ідзе зьнізу: маўляў, мітрапаліт бласлаўляе беларускамоўныя службы, а тармозяць унізе, сьвятарам ня хочацца лішняй нагрузкі.

«У нашым храме беларускамоўная служба была ў нядзелю, і гэта была мая добрая воля. У храме былі яшчэ два сьвятары, якія могуць служыць па-беларуску, але адзін нядаўна сышоў у іншы прыход. Другі сказаў, што будзе служыць раз на тры месяцы, і да таго ж у будзённы дзень. А ў хрысьціянаў гасподні дзень — нядзеля. І ў нашым прыходзе магчымасьць служыць у нядзелю ёсьць. Звычайна не хапае памяшканьняў, а тут — тры храмы, і адзін фактычна пустуе, там толькі хрышчэньні праводзяцца, і мы служылі ў нядзелю — у гэтым была наша галоўная адметнасьць. Проста сьвятары ня хочуць напружвацца, хочуць, каб у іх менш было нагрузкі, турботаў», — выказаў сваё меркаваньне былы сьвятар прыходу Архангела Міхаіла ў Сухараве Аляксандар Шрамко.

Паводле Шрамка, праблема наагул у кансэрватыўнасьці праваслаўнай царквы: сьвятары служаць на царкоўнаславянскай мове, і пераходзіць на іншую ім цяжка.

«У іншых цэрквах — у Баўгарыі, Сэрбіі — моляцца і на сваіх мовах. Што да Расеі, гэта яшчэ не дайшло, хоць у іх ёсьць пераклады, але па-расейску там ніхто ня служыць. Што да Беларусі, тое, што служаць па-беларуску, ёсьць якасныя пераклады многіх царкоўных кніг — гэта ўжо прагрэс», — мяркуе Аляксандар Шрамко.

Каментары34

Цяпер чытаюць

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

Усе навіны →
Усе навіны

«Прапаноўваў два блокі Winston, каб перадалі Знаку ліст». Былы палітвязень Дзмітры Міхайлаў — пра Максіма Знака

У Мінску здарыўся чарговы патоп

Шрайбман: Лукашэнка больш прагматычны за Пуціна10

У Закарпацці падлеткі 13, 14, 16 і 17 гадоў згвалтавалі 46-гадовую жанчыну3

Палітвязню з Маладзечна, у якога няма адной нагі, прысудзілі 4 гады калоніі1

Блогер-канспіролаг Вірус спыняе сваю дзейнасць, бо ніхто яму не данаціў13

«Прагноз кіроўцы — 15—16 гадзін на мяжы». Пасажыры аўтобусаў, што едуць у Літву, скардзяцца на незвычайна доўгае чаканне1

«Нават дарослыя хацелі далучыцца». Як беларусы ў эміграцыі арганізавалі летнік для дзяцей у Белавежскай пушчы

Застаўся без парэчак. Уладальнік гадавальніка пад Мінскам — пра тое, як надвор’е паўплывала на працу1

больш чытаных навін
больш лайканых навін

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

Галоўнае
Усе навіны →

Заўвага:

 

 

 

 

Закрыць Паведаміць