Небяспечнейшыя, чым здаюцца: навукоўцы патлумачылі, чаму трэба баяцца звычайных мух
Мухі пераносяць значна больш небяспечных для чалавека бактэрый, здольных выклікаць цяжкія захворванні, чым лічылася раней, высветліла міжнародная навуковая група. Адпаведнае даследаванне апублікаванае часопісам Scientific Reports.
Навукоўцы прааналізавалі 116 асобін мясных і пакаёвых мух, злоўленых у Паўднёвай і Паўночнай Амерыцы, Еўропе і Азіі. Вынікі паказалі, што найбольшая колькасць бактэрый знаходзіцца на лапках і крылах насякомых.
Пакаёвыя мухі, як аказалася, значна больш небяспечныя: яны пераносяць да 351 відаў небяспечных мікраарганізмаў, а мясныя — 316. З гэтага навукоўцы зрабілі выснову, што мухі з'яўляюцца пераносчыкамі нашмат большай колькасці небяспечных захворванняў, чым меркавалася раней.
Так, навукоўцы выявілі, што гэты від насякомых можа служыць крыніцай распаўсюджвання бактэрыі Helicobacter pylori, якую звязваюць з развіццём язвы страўніка і дванаццаціперснае кішкі, гастрыту, дуадэніту і нават рака страўніка.
На думку міжнароднай групы біёлагаў, у склад якое ўвайшлі навукоўцы з Універсітэта штата Пенсільванія, Наньянскага тэхналагічнага універсітэта, Федэральнага ўніверсітэта Рыа-дэ-Жанэйра і яшчэ сямі навуковых установаў, для навукі здольнасць мух пераносіць вялікую колькасць бактэрый мае і пазітыўны аспект: гэта можа дапамагчы ў зборы дадзеных аб магчымых эпідэміях.
-
Ён нагадвае марскога ската: амерыканскі стартап стварыў самалёт без звыклых крылаў і ілюмінатараў, які можа стаць новай старонкай у авіяцыі
-
Астэроід, які знішчыў дыназаўраў, мог выклікаць пажары па ўсёй планеце
-
Як спякота падчас цяжарнасці і ў першыя месяцы жыцця можа ўплываць на развіццё мозгу дзіцяці
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра12
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары