23-гадовы эмірацкі бізнэсмен, Ахмед Аль Марзукі на дабрачынным аўкцыёне купіў права на валоданне эксклюзіўнай нумарною таблічкай з нумарам 2 Абу-Дабі за $ 3 мільёны, паведамляе Khaleej Times.
«Я вельмі рады і ганаруся тым, што атрымаў нумар 2», — сказаў ён журналістам пасля аўкцыёну спецыяльных нумарных знакаў у суботу ўвечары, які прайшоў у Emirates Palace.
«Я ганаруся сваёй краінай, і хачу, каб гэтыя грошы пайшлі на дабрачыннасць. Паліцыя будзе выкарыстоўваць грошы ад продажу спецыяльных нумарных знакаў для падтрымкі бедных».
Аўкцыён праводзіўся паліцыяй Абу-Дабі. На продаж былі выстаўленыя 60 характэрных нумарных знакаў ў сувязі з 60-й гадавінай стварэння паліцыі Абу-Дабі.
12-гадовы Халіфа Махамед Аль-Мазруі, вучань 5 класа ў Акадэміі Зайед, стаў самым маладым чалавекам у гісторыі краіны, якому належыць спецыяльная нумарная таблічка. Ягоны бацька, Махамед Аль-Мазруі, набыў сыну ў падарунак нумар 1111 за амаль паўмільёна даляраў.
Але леташні рэкорд аўкцыёну ў гэтым годзе застаўся не пабіты. Год таму эксклюзіўная нумарная таблічка з нумарам 1 была прададзеная тут за $ 10 мільёнаў.
Каментары