23-hadovy emiracki biznesmien, Achmied Al Marzuki na dabračynnym aŭkcyjonie kupiŭ prava na vałodańnie ekskluziŭnaj numarnoju tabličkaj z numaram 2 Abu-Dabi za $ 3 miljony, paviedamlaje Khaleej Times.
«Ja vielmi rady i hanarusia tym, što atrymaŭ numar 2», — skazaŭ jon žurnalistam paśla aŭkcyjonu śpiecyjalnych numarnych znakaŭ u subotu ŭviečary, jaki prajšoŭ u Emirates Palace.
«Ja hanarusia svajoj krainaj, i chaču, kab hetyja hrošy pajšli na dabračynnaść. Palicyja budzie vykarystoŭvać hrošy ad prodažu śpiecyjalnych numarnych znakaŭ dla padtrymki biednych».
Aŭkcyjon pravodziŭsia palicyjaj Abu-Dabi. Na prodaž byli vystaŭlenyja 60 charakternych numarnych znakaŭ ŭ suviazi z 60-j hadavinaj stvareńnia palicyi Abu-Dabi.
12-hadovy Chalifa Machamied Al-Mazrui, vučań 5 kłasa ŭ Akademii Zajied, staŭ samym maładym čałaviekam u historyi krainy, jakomu naležyć śpiecyjalnaja numarnaja tablička. Jahony baćka, Machamied Al-Mazrui, nabyŭ synu ŭ padarunak numar 1111 za amal paŭmiljona dalaraŭ.
Ale letašni rekord aŭkcyjonu ŭ hetym hodzie zastaŭsia nie pabity. Hod tamu ekskluziŭnaja numarnaja tablička z numaram 1 była pradadzienaja tut za $ 10 miljonaŭ.
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca11
Kamientary