Упраўленнем Следчага камітэта па Брэсцкай вобласці завершана расследаванне крымінальнай справы па абвінавачанні двух мужчын у камерцыйным шпіянажы і хабарніцтве, паведамляе sk.gov.by.
Следствам устаноўлена, што абвінавачаныя незаконным спосабам атрымалі звесткі пра тэхналогію вытворчасці смалы, а таксама аб рэцэптуры фарбы, якія выкарыстоўваюцца для нанясення дарожнай разметкі, што былі распрацаваныя і ўжываліся пры вытворчасці адным з прадпрыемстваў. Паказаныя звесткі складалі камерцыйную тайну гэтай арганізацыі.
За атрыманне інфармацыі фігуранты перадалі службовай асобе прадпрыемства ў якасці хабару грашовыя сродкі ў 2 500 даляраў ЗША. Усяго ж планавалася, што сума будзе ўдвая большай — 5 000 даляраў ЗША.
Пры перадачы грашовых сродкаў у якасці часткі хабару абвінавачаныя былі затрыманыя супрацоўнікамі шостага ўпраўлення (па Брэсцкай вобласці) галоўнага ўпраўлення па барацьбе з арганізаванай злачыннасцю і карупцыяй МУС Рэспублікі Беларусь і АМАПа.
Абвінавачаныя цалкам прызналі сваю віну, іх дзеянні кваліфікаваныя па ч. 1 арт. 254 (камерцыйны шпіянаж), ч. 1 арт. 14 і ч. 2 арт. 431 (замах на дачу хабару ў буйным памеры) Крымінальнага кодэкса Рэспублікі Беларусь.
Пры расследаванні крымінальнай справы следчым былі дапытаныя сведкі, праведзена вочная стаўка, агледжаны прадметы і дакументы, якія маюць значэнне для крымінальнай справы. На маёмасць абвінавачаных накладзены арышт.
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне63
Каментары