Упраўленнем Следчага камітэта па горадзе Мінску распачатая і расследуецца крымінальная справа ў дачыненні да бізнэсмена і інвестара «Мотавела», бізнесмена і інвестара «Мотавела» Аляксандра Мураўёва, які ў цяперашні час адбывае тэрмін у калоніі. Пра гэта TUT.BY паведаміла афіцыйны прадстаўнік Следчага камітэта Юлія Ганчарова.
«Следчым камітэтам у дачыненні да Аляксандра Мураўёва распачатая крымінальная справа па арт. 243 (ухіленне ад выплаты падаткаў) Крымінальнага кодэкса Беларусі. Згодна з наяўнай інфармацыяй, Мураўёў спрыяў ухіленню ад выплаты падаткаў чатыром суб'ектам гаспадарання, якія займаліся пастаўкамі на «Мотавела»», — распавялі ў СК.
У ведамстве таксама адзначылі, што сума нанесенай бюджэту шкоды на дадзены момант складае не менш за 350 тысяч дэнамінаваных рублёў.
«Следствам прынятыя меры да кампенсацыі гэтай шкоды. Яна часткова кампенсаваная», — дадала афіцыйны прадстаўнік СК.
Нагадаем, у студзені 2017 года бізнэсмена і інвестара «Мотавела» Аляксандра Мураўёва суд прысудзіў да 11 гадоў калоніі (пракурор прасіў 12) і канфіскацыі маёмасці — у тым ліку акцый «Мотавела». Ён быў прызнаны вінаватым па ўсіх складах злачынстваў, якія яму ставіліся ў віну: махлярства (ч. 4 арт. 209), крадзеж (ч. 4 арт. 210), ухіленне ад выплаты падаткаў (ч. 2 арт. 243), арганізацыя і дапамаганне ва ўчыненні злачынстваў (арт. 16).
У бізнэсмена канфіскавалі амаль 75 мільёнаў акцый «Мотавела», якія належаць кампаніям ATEC Investment і «РосинтехГрупп». Першай кіраваў сам Аляксандр Мураўёў, другой — яго брат Сяргей (якога следам за Аляксандрам у лютым прысудзілі да абмежавання волі за нявыплату падаткаў).
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу26
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5050
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ50
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары