Сыноптыкі на дзень цырымоніі адкрыцьця Алімпійскіх гульняў прадказваюць Пэкіну навальніцу з дажджом і папярэджваюць, што тайфуны могуць сарваць спаборніцтвы ў іншых гарадах.
Сыноптыкі зрабілі прагноз надвор’я на дзень цырымоніі адкрыцьця Алімпійскіх гульняў. Яны прадказваюць Пэкіну навальніцу з дажджом і папярэджваюць, што тайфуны могуць сарваць спаборніцтвы ў іншых гарадах.
Арганізатары неаднакроць заяўлялі, што дождж выклікае найбольшы неспакой, таму што ў цырымоніі адкрыцьця бяруць удзел больш за 10 тысяч выканаўцаў, а па заканчэньні чакаецца вялікі фаервэрк.
Штормы могуць ударыць па Ганконгу й перашкодзіць спаборніцтвам па конным спорце, якія будуць праходзіць тут. Апроч таго, штормы могуць парушыць частку алімпійскіх футбольных турніраў, асабліва сустрэчы, заплянаваныя ў прыбярэжным Шанхаі.
Высокапастаўленыя чыноўнікі з Пэкінскага мэтэаралягічнага бюро пацьвердзілі, што на 8 жніўня прагназуецца кепскае надвор’е. Пры гэтым яны выказваюць спадзеў, што да вечаровай цырымоніі неба праясьніцца.
Цяпер чытаюць
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»44
Каментары