«Марш недармаедаў» у Баранавічах: выйшла 50 чалавек, але без лідараў і мегафона
У Баранавічах на акцыю пратэсту супраць Дэкрэту №3 выйшла некалькі дзясяткаў чалавек. Арганізатараў загадзя затрымалі.
Яшчэ да пачатку маршу былі затрыманыя актывіст прафсаюзу радыёэлектроннай прамысловасьці (РЭП) Рыгор Грык і сябра Партыі БНФ Мікалай Чарнавус-старэйшы, якія зьяўляліся асноўнымі арганізатарамі акцыі. Сябра аб'яднанай партыі Мікалай Чарнавус-малодшы, які браў актыўны ўдзел у папярэдняй акцыі супраць Дэкрэту №3 у Баранавічах, 17 сакавіка асуджаны на 12 сутак адміністрацыйнага арышту.
Акцыя 19 сакавіка плянавалася на 16.00, але шырока не анансавалася. За паўгадзіны да гэтага часу на цэнтральнай плошчы гораду зьявіліся некалькі груп з 4-5 чалавекі супрацоўнікаў у цывільным. Калі на плошчы пачалі зьяўляцца ўдзельнікі акцыі, гэтыя асобы сталі папярэджваць пра адказнасьць за ўдзел у несанкцыянаваным мерапрыемстве.
Праз адсутнасьць лідэраў і гукаўзмацняльнай апаратуры акцыя ў Баранавічах фактычна не адбылася. Людзі крыху пастаялі купкамі і паасобку, але ніхто не прамаўляў.
Адзін з удзельнікаў акцыі, мясцовы праваабаронца Сяргей Гоўша сказаў, што «па-сутнасьці акцыя не адбылася»: «Людзі проста прыйшлі і пагаварылі паміж сабою. Было вельмі шмат міліцыянтаў».
За мінулы баранавіцкі «Марш недармаедаў», які прайшоў 26 лютага, актывістаў каралі штрафамі і турмой.
Былога супрацоўніка контрразведкі КДБ арыштавалі за здраду дзяржаве9
Каментары