У Магілёве знайшлі цела забітай жанчыны, якое паўгода праляжала ў ванне
Цела 66-гадовай пенсіянеркі з прыкметамі гвалтоўнай смерці знойдзена ў доме па вуліцы Маўчанскага ў Магілёве. Заведзена крымінальная справа за забойства.
Следствам устаноўлена дачыненне да здзяйснення гэтага злачынства 25-гадовага сына загінулай. Мужчына пражываў у кватэры разам з маці, паведамілі ў СК.
У маі гэтага года жанчына выказала незадаволенасць ладам жыцця сына, адбыўся канфлікт, падчас якога падазраваны нанёс маці ўдары па галаве. Ад атрыманых пашкоджанняў пенсіянерка памерла, а мужчына схаваў цела ў ванным пакоі, дзе яно і праляжала амаль паўгода. Каб трупны пах не адчулі суседзі, сын паспрабаваў загерметызаваць вентыляцыйныя адтуліны, шчыльна зачыніў дзверы і абклеіць іх скотчам.
Падазраваны затрыманы, ён пад вартай.
Цяпер чытаюць
Арыштаваны 75‑гадовы Зміцер Санько — ветэран-выдавец3
Каментары