Прэм'ер-міністр Расіі Дзмітрый Мядзведзеў падпісаў пастанову аб перадачы прэзідэнту Уладзіміру Пуціну на подпіс пагаднення паміж Масквой і Мінскам аб расійскай авіяцыйнай базе на беларускай тэрыторыі. Адпаведны дакумент быў у аўторак, 8 верасня, апублікаваны на сайце кабінета міністраў РФ.
Пагадненне ўстанаўлівае парадак прымянення авіябазы сумесна з ўзброенымі сіламі Беларусі для абароны дзвюх краін, уключаючы «супрацьдзеянне ўзброенаму нападу з боку міжнародных тэрарыстычных фарміраванняў».
У пагадненні прапісаны парадак размяшчэння, выкарыстання і функцыянавання расійскай авіяцыйнай базы на тэрыторыі Беларусі, а таксама ўзаемадзеянне расійскага кантынгенту базы з ўзброенымі сіламі Беларусі.
Месца дыслакацыі базы не пазначана.
Раней паведамлялася, што заключэнне гэтага пагаднення будзе спрыяць арганізацыі сумеснай аховы знешняй мяжы саюзнай дзяржавы ў паветранай прасторы і стварэнні адзінай рэгіянальнай сістэмы супрацьпаветранай абароны Расіі і Беларусі. Таксама адзначалася, што палажэнні пагаднення доўгатэрмінова замацуюць расійскую ваенную прысутнасць у рэгіёне і будуць садзейнічаць умацаванню яго бяспекі.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары