«Белсат»: З КДБ званілі маме Алеся Чаркашына, у морг і распарадчыку могілак
Як паведамілі belsat.eu сябры Алеся Чаркашына, спецслужбы Беларусі тэлефануюць маці забітага ва Украіне берасцейца і пытаюцца, чаму ягонае пахаванне ператварылася ў несанкцыянаванае мерапрыемства.
Учора ў Берасці пахавалі Алеся Чаркашына, але спецслужбы не пакінулі маці героя, які загінуў, нават у дзень пахавання. Учора ёй патэлефанавалі з КДБ і хацелі паразмаўляць пра дзейнасць Алеся ва Украіне. Ад размовы жанчына адмовілася.
Сёння Святлану Чаркашыну зноў патурбаваў званок з КДБ. Гэтым разам працаўнікоў спецслужбаў цікавіла два пытанні: чаму пахаванне ейнага сына ператварыліся ў масавае несанкцыянаванае мерапрыемства і хто даў дазвол на пахаванне Алеся на могілках Камяніцы-Жыравецкай.
Таксама пачаліся праверкі ў трупярні, дзе знаходзілася цела Алеся перад пахаваннем, працаўнікоў трупярні абвінавачваюць у тым, што яны незаконна выдалі цела Чаркашына для пахавання. Прадстаўнікі спецслужбаў ціснуць і на кіраўніцтва ЖКГ Берасцейскага раёну, каб даведацца, на якой падставе выдзелілі зямлю для пахавання Алеся на могілках Камяніцы-Жыравецкай.
Арыштаваны 75‑гадовы Зміцер Санько — ветэран-выдавец3
Каментары