Хвастоў адпраўлены ў адстаўку: «Як міністр ён саступаў Макею»
Сёння стала вядома, што 22 жніўня Аляксандр Лукашэнка адправіў у адстаўку прадстаўніка Беларусі пры ААН у Жэневе Міхаіла Хвастова. Ад 2000 да 2003 Хвастоў узначальваў Міністэрства замежных справаў.
Міхаілу Хвастову 66 гадоў, афіцыйная фармулёўка адстаўкі гучыць так: «у сувязі з выхадам у адстаўку». Хвастоў нарадзіўся ў 1949 у вёсцы Казлоўшчына Пастаўскага раёна. Скончыў Мінскі педагагічны інстытут замежных моваў (1975), юрыдычны факультэт БДУ (1989). Ад 1982 года на працы ў МЗС БССР, пасля – МЗС Беларусі.
Адстаўку Хвастова мы папрасілі пракаментаваць палітычнага аглядальніка Рамана Якаўлеўскага.
«Гэта лагічна і чакалася даўно. Міхаіл Міхайлавіч шмат гадоў папрацаваў.
Я б ахарактаразаваў Хвастова як вернага чыноўніка. Ён зрабіў сабе кар’еру ад кіраўніка пратаколу да віцэ-прэм’ера. Я нагадаю, што Хвастоў нейкі час быў адначасова і міністрам замежных справаў, і віцэ-прэм’ерам. Быў такі статус у МЗС.
Калі параўнаць яго актыўнасць з сённяшнім міністрам замежных справаў Уладзімірам Макеем, то Хвастоў, безумоўна, саступаў. Тады роля кіраўніка МЗС была не настолькі важнай. Макея ж можна адзначыць як ці не самага актыўнага міністра.
Ніякіх гучных ініцыятываў з боку міністра Хвастова я б не адзначыў. Ён годна і акуратна выконваў свае абавязкі. Яшчэ адзін штрышок, што менавіта пры ім прэс-сакратаром МЗС быў Павел Латушка, на сёння вядома беларускі дыпламат.
Можна згадаць з старонак біяграфіі, што ён быў апошнім на сённяшні момант паслом Беларусі ў ЗША, пасля былі толькі часовыя павераныя. Калі ў Мінск прыязджаў Біл Клінтан, то яго суправаджаў шэф пратаколу Міхаіл Хвастоў.
Ён без скандалаў мяняў адну пасаду на іншую, кар’ера была даволі роўнай.
У асабістым жыцці ў Міхаіла Міхайлавіча была вялікая трагедыя, смерць сына».
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў54
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1818
Каментары