У выніку ДТЗ у Магілёўскім раёне загінуў адзін чалавек і 8 шпіталізаваны.
Інфармацыя аб здарэнні каля пасёлка Мірны паступіла 21 чэрвеня ў 18.55 у Цэнтральнае аператыўнае ўпраўленне Магілёўскага гарадскога аддзялення па надзвычайных сітуацыях, паведамляе 112.by.
Пасля прыбыцця да месца выкліку ўстаноўлена, што на аўтадарозе Магілёў — Гомель адбылося лабавое сутыкненне легкавых аўтамабіляў «Пежо-406» і «Фальксваген-Шаран».
У аўтамабілі «Пежо-406» ехалі 6 чалавек (4 дарослых і двое дзяцей: 1 год і 5 гадоў). У выніку ДТЗ у салоне аўтамабіля былі заблакаваныя чатыры дарослыя чалавекі. Работнікамі МНС з дапамогай гідраўлічнай аварыйна-выратавальнай прылады людзі былі дэблакаваныя. Адзін з пасажыраў загінуў на месцы ДТЗ.
Чатыры чалавекі (з іх 1 дзіця ва ўзросце 10 гадоў) ехалі ў «Фольксваген-Шаран». Яны пакінулі аўтамабіль самастойна.
У ДТЗ загінуў 1 чалавек, 8 чалавек (у тым ліку трое дзяцей) з траўмамі рознай ступені цяжкасці шпіталізаваны ў бальніцы абласнога цэнтра. У выніку ДТЗ аўтамабілі атрымалі механічныя пашкоджанні.
Абставіны ДТЗ усталёўваюць супрацоўнікі ДАІ Магілёўскага аблвыканкама.
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць7
Каментары