Абу Бакр Аль-Багдадзі быў смяротна паранены ў выніку амерыканскага авіяўдару.
Важакі баевікоў экстрэмісцкай арганізацыі «Ісламская дзяржава» у чацвер прысягнулі новаму «халіфу» пасля пацверджання весткі пра смерць лідара баевікоў вядомага як Абу Бакр Аль-Багдадзі. Пра гэта паведаміла іракскаму інфармагенцтву Waradana крыніца ў горадзе Масул.
«Ён быў паранены некалькі дзён таму падчас амерыканскага авіяўдару, памёр на руках свайго доктара ў сірыйскім горадзе Рака, куды ён быў дастаўлены пасля ранення», — паведаміла крыніца.
Прысяга важакоў новаму «халіфу» адбылася ў вялікай мячэці «Садама» ў горадзе Тальафар недалёка ад Масула.
У сацыяльных сетках і на сайтах іракскіх СМІ пішуць, што новым лідарам ісламістаў ІД, якія дэманструюць беспрэцэдэнтную жорсткасць, стаў Абдурахман Мустафа Аль Шэйхлар, які ўзяў імя Абу Аля Аль-Афры.
Аль-Афры родам з Тальафара, па адукацыі настаўнік фізікі, таксама вывучаў багаслоўе і падпрацоўваў таксістам на невялікім мікрааўтобусе.
Ужо ў 90-х гадах стаў першым у Тальафары прапаведнікам такфірысцкай і джыхадысцкай ідэалогіі, якую прапаведаваў таемна, а часам адкрыта ў вялікай базарнай мячэці ў Тальафары. У 2004 годзе збег з роднага горада ад амерыканскіх акупацыйных ўладаў і далучыўся да Аль-Каіды. Яго называлі старшынёй кансультацыйнага савета Аль-Каіды ў Іраку. Як і яго папярэднік, быў схоплены амерыканцамі, але праз некаторы час выпушчаны на волю.
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе28
Каментары