5 сакавіка гэтага года на сайце газеты «Рэспубліка» быў апублікаваны артыкул Уладзіміра Валчкова «Бясплатная нерухомасць», які распавядае нам пра тое, як мы шмат маем маёмасці і як нічога з гэтага не аддаём нашай дзяржаве.
Але ж і маніпуляцыя!
Цытата: «Калі разабрацца, не такі ўжо ў нас народ і бедны. У прыватнай уласнасці знаходзіцца каля 200 млн квадратных метраў жылля». Што гэта значыць? На кожнага беларуса прыходіцца каля 20 м2 жылля… Толькі аўтар забываецца сказаць, што палова з іх — гнілыя дзядоўскія хаты ў вёсках пад знос.
Для параўнання: забяспечанасць жыллём у Еўрасаюзе 30—40 метраў на асобу, ЗША — 50—70 метраў на чалавека.
Наступнае: « У сацыяльна арыентаваных краінах ёсць і іншы механізм: падатак на спадчыну. Стаўкі часам драконаўскія».
Разбяром Нямеччыну як прыклад і высвятляем, што маёмасць коштам да 500 000 еўра не абкладаецца падаткам наогул для мужа (жонкі) і да 400 000 еўра — для дзяцей! Каб мы так жылі!
Спадар… выбачайце, таварыш, відаць, не ведае, што ў Беларусі жыллё выконвае функцыю фондавага рынку і страхоўкі ад падману з боку дзяржавы. Адсоткі па рэнце ніжэйшыя за звыклыя адсоткі па дэпазітах, але народ ведае, што зачыніць банк ці замарозіць грошы на рахунку можна адным роспісам на дэкрэце, таму і аддае перавагу захаванню грошай у такім нязручным інструменце ашчаджэння, як нерухомасць.
Аўтар заклікае перакласці на фізічных асобаў падатковую нагрузку прадпрыемстваў.
Цікава, што ж такога плаціць «рэальны» сектар? 12% з чыстага прыбытку — так. ПДВ? Яго фактычна плаціць той, хто купляе тавар, г.з. мы. Акцызы? Яны таксама ў кошце прадукцыі, якую аплачваем МЫ са сваёй кішэні. ФСАН? — платнікам з'яўляецца прадпрыемства, але вылічваюць 34% з НАШАГА заробку…
Паколькі аўтар звяртаецца да практыкі «цывілізаванага свету» з іх вялізнымі падаткамі, маленькая рэмарка: у большасці развітых краін з жабракоў не дзяруць аніякіх падаткаў… зусім ніякіх. Напрыклад, у Нямеччыне падаткамі не абкладаецца даход да 8000 еўра на год. Дык калі вы так хочаце браць прыклад з немцаў, то 96% беларусаў павінны ні капейкі падаткаў не плаціць!
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне63
Каментары