Спікера польскага Сената Богдана Барусевіча адмовіліся пусціць у Расію на пахаванне Барыса Нямцова.
Як паведаміла прэс-сакратар пасольства РФ у Варшаве Валерыя Пержынская, Барусевіч уключаны ў санкцыйны спіс, складзены ў адказ на заходнія санкцыі супраць Расеі. Яму забаронены ўезд на тэрыторыю РФ.
«Гэта не мае ніякага дачынення да пахавання Барыса Яфімавіча Нямцова», — запэўніла прэс-сакратар.
Прэс-сакратар міністэрства замежных спраў Польшчы Марцін Вайцяхоўскі паведаміў, што Барусевічу забаронены ўезд у Расію ў адказ на ўключэнне ў санкцыйны спіс ЕС спікера Савета Федэрацыі Валянціны Мацвіенка.
Барусевіч павінен быў ўзначальваць польскую дэлегацыю на пахаванні Барыса Нямцова.
Каментары