Еўрасаюз да пятніцы чакае ад Расіі рэальнай падтрымкі мірнага плана Пятра Парашэнкі, інакш будуць санкцыі.
Пра гэта міністр замежных спраў Вялікабрытаніі Уільям Хейг заявіў у панядзелак у Люксембургу напярэдадні пасяджэння Рады ЕС на ўзроўні міністраў замежных спраў.
«Да пятніцы мы будзем мець магчымасць паглядзець, як Расія рэагуе на мірны план. Расія і прэзідэнт Пуцін не павінны сумнявацца, што ў ЕС мы гатовыя прыняць меры. Шмат працы было зроблена (па падрыхтоўцы санкцый). Калі будзе неабходна, мы гатовыя прыняць гэтыя захады», — заявіў ён.
Кіраўнік МЗС Вялікабрытаніі назваў мірны план прэзідэнта Парашэнкі «моцным і вельмі добрым». «Мы спадзяемся, што цяпер усё, уключаючы Расію, будуць працаваць над гэтым», — адзначыў ён.
У гэтай сувязі Хейг звярнуў увагу на словы прэзідэнта Пуціна аб падтрымцы гэтага плана.
«Мы чакаем, што гэтыя словы будуць ператвораныя Расіяй у дзеянні.
Мы чакаем, што Расія прыме рэальныя дзеянні, каб спыніць паток узбраення праз мяжу на ўсходзе Украіны, нелегальныя ўзброеныя групоўкі. Для гэтага ёсць магчымасці. ЕС будзе здольны прыняць далейшыя санкцыі ў дачыненні да Расіі», — заявіў міністр.
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве34
Каментары