Прэс-сакратар сацыяльнай сеткі «Вконтакте» Георгій Лобушкін пацвердзіў тэлеканалу «Дождь» інфармацыю пра тое, што генеральны дырэктар кампаніі Павел Дураў сышоў са сваёй пасады.
Раней 21 красавіка аб звальненні Дурова паведаміла агенцтва РБК са спасылкай на выканаўчага дырэктара «Вконтакте» Дзмітрыя Сяргеева.
Як паведамлялася, заснавальнік і гендырэктар сацсеткі напісаў заяву аб звальненні 21 сакавіка. Ён паведаміў пра гэта 1 красавіка, а пазней назваў гэта першакрасавіцкім жартам. Аднак, па словах Сяргеева,
сваю заяву Дураў не адклікаў. У сувязі з гэтым праз 30 дзён менеджмент кампаніі прыняў рашэнне аб яго звальненні.
У студзені стала вядома, што Дураў прадаў сваю долю ў сацсетцы.
Па звестках СМІ, здзелка была заключаная ў снежні 2013 года. Уладальнікам акцый заснавальніка сацсеткі стаў Іван Таўрын - гендырэктар «Мегафона» і суўладальнік (разам з Алішэрам Усманавым) тэлевізійнага холдынгу ЮТВ.
Як распавёў тады Дураў, апошнія некалькі гадоў ён «актыўна пазбаўляўся ад уласнасці < …>, ад мэблі і рэчаў да нерухомасці і кампаній», і «да дасягнення ідэалу» яму заставалася прадаць 12-працэнтную долю ў сваёй кампаніі.
Пазней ён заявіў, што быў вымушаны прадаць акцыі з-за таго, што ФСБ аказвала на супрацоўнікаў сацсеткі ціск пасля адмовы раскрываць інфармацыю пра стваральнікаў груп, прысвечаных пратэстам ва Украіне, а таксама блакаваць антыкарупцыйную групу Аляксея Навальнага.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары