Украіна гатовая плаціць за расійскі газ 386 даляраў за тысячу кубаметраў. Пра гэта заявіў агенцтву Reuters кіраўнік Нацыянальнага банка Украіны Сцяпан Кубіў на сходзе Міжнароднага валютнага фонду і Сусветнага банка ў Вашынгтоне.
Па снежаньскіх дамоўленасцях, расійскі газ у першым квартале абыходзіўся Украіне ў 268,5 даляра. З красавіка цана вырасла да 485 даляраў.
Улады Украіны раней называлі прымальнай цану ў 268 даляраў.
Пры гэтым Кубіў заявіў, што Кіеў аплаціць усе рахункі.
Доўг Украіны за газ перад «Газпромам» складае 2,2 мільярда даляраў. Да канца года ён можа павялічыцца на 5-6 мільярдаў даляраў, заявіў кіраўнік «Газпрома» Аляксей Мілер.
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе28
Каментары