Лідар партыі «УДАР» Віталь Клічко плануе ўдзельнічаць у выбарах прэзідэнта Украіны ў маі, але можа падтрымаць кандыдатуру Пятра Парашэнкі ў другім туры.
Пра гэта Клічко заявіў у інтэрв'ю Бі-Бі-Сі Украіна падчас візіту ў Лондан разам з Парашэнкам.
«Я думаю, што ў другім туры мы можам разглядаць такую магчымасць, каб падтрымаць адзін аднаго, але на сённяшні дзень яшчэ занадта рана пра гэта казаць, бо рэйтынгі яшчэ будуць мяняцца шмат разоў», — сказаў лідар «УДАРа».
«Я ўжо пра гэта казаў, я ўдзельнічаю ў прэзідэнцкіх выбарах, але далей паглядзім. Я ўпэўнены ў тым, што дэмакратычныя сілы павінны аб'ядноўвацца, каб дэманстраваць адзінства», — адзначыў Клічко.
Адначасова Парашэнка, на пытанне, ці будуць у выбарах удзельнічаць і Клічко, і сам Парашэнка адказаў: «Гэтае пытанне будзе вырашана праз 2-3 дні, калі адбудуцца з'езды партый».
Цяпер чытаюць
Паступова выйшлі на волю арыштаваныя па «Справе кнігароў». Акрамя аднаго2
Каментары