Тэатр88

Скандал у мінскім ТЮГу: у «Трох парсючках» знайшлі… палітычны падтэкст

Канфлікт у Тэатры юнага гледача цягнецца з канца мінулага месяца.

24 студзеня мастацкая рада тэатра аб’явіла недавер дырэктару Мікалаю Казюліну. 25 студзеня прайшоў агульны сход.

Трупу абурыў той факт, што дырэктар узяў курс на стварэнне забаўляльнага прадукту. Акцёры хацелі б захаваць тэатр асветніцкім.

Акрамя таго, Казюлін прапанаваў скасаваць пасаду мастацкага кіраўніка, якую займаў рэжысёр Уладзімір Савіцкі. Па юрыдычным статусе гэтая пасада роўная дырэктару. З таго часу ТЮГ знаходзіцца ў віры падзей.

У СМІ прайшла інфармацыя, што дырэктар папрасіў прабачэння ў падначаленых і вырашыў сысці. Але сённяшні агульны сход калектыву паказаў, што Казюлін не збіраўся здавацца.

На сустрэчу завіталі чыноўнікі – Ігар Карпенка, віцэ-мэр Мінска і лідар пралукашэнкаўскай кампартыі, а таксама Віталіна Рудзікава, начальнік упраўлення культуры Мінгарвыканкама.

Карпенка паведаміў, што пасада мастацкага кіраўніка будзе захаваная. А першай пастаноўкай тэатра ў новым будынку стане «Сінія птушка» Морыса Метэрлінка, якая прадэманструе ўсе тэхнічныя магчымасці новага будынка і новай залы. Менавіта ад гэтай пастаноўкі планаваў адмовіцца Казюлін.

Ігар Карпенка намаляваў аптымістычную карціну хуткага пераезду ў новы будынак, які запланаваны на лета, а пасля – пастаноўку новых спектакляў. Але аўдыторыя сустрэла гэтыя словы з абурэннем:«Вы не бачылі, як адкрываўся Купалаўскі тэатр? Што вы нам казкі расказваеце!».

Акцёры мелі на ўвазе, што для пераезду ў новы будынак і пераносу спектакляў на сцэну звычайна патрабуецца шмат часу.

Далей слова атрымаў Мікалай Казюлін, які зноў заявіў, што гатовы сысці са сваёй пасады, калі калектыў яму не давярае (першы раз ён заявіў гэта на сустрэчы ў гарвыканкаме). Калектыў сустрэў гэтыя фразы авацыяй. Але цалкам не паверыў Казюліну, бо падазрае яго ў падвойнай гульні.

Як на сходзе, так і ў кулуарах ТЮГаўцы скардзіліся, што дырэктар выклікаў да сябе акцёраў, выкручваў ім рукі і імкнуўся перавабіць на свой бок

(напрыклад, намесніку начальніка аднаго з цэхаў ён нібыта паабяцаў больш высокую пасаду. Зразумела, за падтрымку).

Уладзімір Савіцкі прывёў факт, калі Казюлін абвінаваціў яго ў палітыцы, якая нібыта прысутнічае ў дзіцячых спектаклях. У прыватнасці,

дырэктар знайшоў палітычны падтэкст у казцы «Тры парсючкі», разлічанай для дзяцей ад 5 гадоў. Казюліна збянтэжылі заклікі герояў будаваць дом на добрым падмурку.

У сённяшняй сітуацыі ТЮГу менш за ўсё патрэбныя канфлікты. У 2008 года тэатр выехаў са свайго будынку. Спектаклі адбываюцца на сцэне Дома літаратараў, а тэхнічныя службы знаходзяцца на ўскрайку горада — у будынку кінатэатра «Электрон» ля плошчы Казінца.

Супрацоўнікі запрасілі на невялікую экскурсію па памяшканню.

Усе службы месцяцца ў маленькіх пакойчыках, дзе надзвычай цесна і халодна. Дэкарацыі робяцца ў фае кінатэатра. А тэмпература ў сталярнай майстэрні наогул нулявая.

Супрацоўнікі просяць паспяшацца з рамонтам. І знайсці ім дырэктара, які будзе займацца гаспадарчымі пытаннямі і не будзе перашкаджаць ім у творчых справах.

Каментары8

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны19

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

«Дайце круглую суму і год — будзе вам любы шэдэўр Мікеланджэла!» Улады запатрабавалі перарабіць «Быхаўскую мадонну». Аўтар падточвае яе балгаркай29

Зборная Беларусі прайграла заключны важны матч у Лізе нацый5

«Спадзяюся, ты памрэш і пазбавіш нас ад пакут». Пасля адстаўкі кіраўніка Nvidia падначаленыя расказалі пра ягоныя істэрыкі13

У Чэхіі адбылася найбуйнейшая з 1989 года акцыя пратэсту10

Штодзённая кава стымулюе кішэчнік і зніжае рызыку Паркінсона. Каб даказаць гэта, правялі незвычайны эксперымент5

Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод 20

Пяць краін ЕС адкрываюць у Руандзе лагер для дэпартаваных мігрантаў. Раней Брытанія страціла на падобнай схеме амаль мільярд даляраў6

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал27

У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет1

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны19

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць