Прычына адмовы — « арганізацыя заклікае да гвалтоўнай зьмены ўлады ў краіне, прапагандуе вайну, міжнацыянальную і расавую варожасьць».
Вярхоўны суд Беларусі сёньня разгледзеў скаргу незарэгістраванага моладзевай арганізацыі «Малады фронт» да ўпраўленьня юстыцыі Менгарвыканкаму. Нагадаем, што сёлета гарадзкія чыноўнікі ўжо двойчы адмаўлялі «маладафронтаўцам» у рэгістрацыі. Адмовы прыходзілі з прычыны таго, што «арганізацыя заклікае да гвалтоўнай зьмены ўлады ў краіне, прапагандуе вайну, міжнацыянальную і расавую варожасьць».
У сярэдзіне жніўня першую скаргу «МФ» разглядаў Менскі гарадзкі суд . Судзьдзя Салаўёва прызнала падставы для адмовы ў рэгістрацыі арганізацыі цалкам абгрунтаванымі.
На гэтым «маладафронтаўцы» не спыніліся, дайшоўшы да Вярхоўнага суду. Калегія Вярхоўнага суду пад старшынствам судзьдзі Самалюка сёньня заслухала тлумачэньні «маладафронтаўцаў» Насту Лойка, Кірылы Шымановіча і Барыса Гарэцкага. З словам выступілі прадстаўнікі грамадзкасьці — праваабаронцы Алена Танкачова, Вольга Смалянка і Юры Чавусаў. Пракуратуру прадстаўляў спадар Заноўскі.
Пасьля таго, як былі заслуханыя абодва бакі, быў абвешчаны 15‑хвілінны перапынак. У выніку Вярхоўны суд пакінуў у сіле рашэньне аб адмове ў рэгістрацыі.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу26
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5050
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ50
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары