Спалучэнне шкарпэтак і сандаляў было прызнана галоўным непаразуменнем у гардэробе усіх часоў. Пра гэта сведчаць вынікі апытання, праведзенага сеткай брытанскіх супермаркетаў Debenhams. Колькі менавіта адсоткаў рэспандэнтаў назвалі шкарпэткі з сандалямі галоўным модным правалам, не ўдакладняецца.
Каментуючы вынікі апытання, прадстаўнік універмагаў заявіў, што нягледзячы на тое, што не так даўно шкарпэткі і сандалі апынуліся на модных подыумах (не так даўно некалькі модных дамоў, у тым ліку Christian Dior і Chanel уключылі гэты ансамбль у свае калекцыі), людзям гэта спалучэнне ўсё роўна не падабаецца.
«Быць можа, яны добра глядзяцца на модным паказе, але не ў жыцці», — заявіў ён.
Другое месца ў антытопе занялі мужчынскія чаравікі на платформе, а трэцяе — занадта нізка спушчаныя з лініі таліі штаны.
Цяпер чытаюць
Як журналістка «Нашай Нівы» шукала пару на праваслаўным сайце знаёмстваў. Падкаціў і Талай22
Каментары