U Baranavičach pačalisia adukacyjnyja reformy. Adny navučalnyja ŭstanovy začyniajuć, inšyja abjadnoŭvajuć. Hetyja temy ciapier abmiarkoŭvajuć amal u kožnaj siamji, bo tyja źmieny zakranajuć bolšaść haradzkich VNU i SSNU.
Tak, hałoŭny brend ciapier — Baranavicki ŭniversytet. Pavodle čutak, jon budzie stvorany šlacham abjadnańnia čatyroch navučalnych ustanoŭ horadu — Vyšejšaha pedahahičnaha kaledžu, filii Biełaruskaha nacyjanalnaha techničnaha ŭniversytetu, filijału Biełaruskaha instytutu pravaznaŭstva i filijału Bieraściejskaha dziaržaŭnaha ŭniversytetu.
Z takoju rearhanizacyjaj zhodny tolki rektar pedkaledžu Piotar Šocki. Na bazie navučalnaj ustanovy, jakoj jon kiruje, i majuć zasnavać universytet.
Studenty filijału BNTU nie zadavolenyja takoj chadoju spraŭ i napisali list z pratestam da Łukašenki. Padpisalisia pad im 274 z 300 studentaŭ. Matyvujuć navučency tym, što pastupali jany niekali ŭ viadomuju va ŭsioj krainie VNU, a zaraz atrymajuć dyplomy niejkaha nikomu nie viadomaha miestačkovaha ŭniversytetu.
Nie padabajecca abjadnańnie j vykładčykam: šmat chto stracić pracu, šmat chto — dobryja zarobki j niezaležnaść ad dziaržaŭnych planaŭ. Usie astatnija rektary taksama pacichu aburajucca. Vykładčyki sprabujuć daznacca praŭdy, adnak dahetul niama dakładnych źviestak ab tym uźjadnańni. Navat nia moža ničoha patłumačyć u Ministerstvie adukacyi Jury Ściepančuk — zahadčyk upraŭleńnia vyšejšaj i siaredniaj adukacyi. Pavodle jaho słoŭ, pytańnie tolki daśledujecca i inšaj infarmacyi pakul dać nielha. Ale ŭžo na pačatku traŭnia ŭ horadzie čakajuć Łukašenku, jaki pryjedzie hladzieć budynki novaha ŭniversytetu.
Poŭny varyjant artykułu hladzicie ŭ hazecie "Naša Niva".
Rusłan Raviaka, Baranavičy
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary