1 lipienia ŭ horadzie Brno startuje čarhovy — 8‑y pa liku — festyval «Miesiac aŭtarskaha čytańnia», najbujniejšy litaraturny festyval u Čechii. Ahułam za miesiac svaju tvorčaść amataram pryhožaha piśmienstva pradstavić 60 aŭtaraŭ, ź ich — 30 biełaruskich.
1 lipienia ŭ horadzie Brno startuje čarhovy — 8‑y pa liku — festyval «Miesiac aŭtarskaha čytańnia», najbujniejšy litaraturny festyval u Čechii. Hanarovymi haściami festyvalu z zamiežža sioleta stanuć biełaruskija litaratary. Štodnia na praciahu ŭsiaho lipienia na scenie słavutaha teatra «Husa na provázku» («Huś na kanacie») buduć adbyvacca dźvie litaraturnyja sustrečy — z adnym biełaruskim hościem i z adnym českim piśmieńnikam, heta značyć, što ahułam za miesiac svaju tvorčaść amataram pryhožaha piśmienstva pradstavić 60 aŭtaraŭ, ź ich — 30 biełaruskich. Heta, badaj, pieršaja takaja bujnaja prezentacyja sučasnaj biełaruskaj litaratury ŭ śviecie.
Siarod biełaruskich udzielnikaŭ — hrandy ajčynnaj litaratury (Uładzimier Arłoŭ, Aleś Razanaŭ, Uładzimier Niaklajeŭ), vybitnyja aŭtary siaredniaj hieneracyi (Leanid Drańko‑Majsiuk, Piatro Vasiučenka, Ihar Babkoŭ, Barys Piatrovič), zorki i zorački maładziejšaha pakaleńnia (Andrej Chadanovič, Alhierd Bacharevič, Andrej Kurejčyk, Illa Sin, Volha Hapiejeva, Viera i Viktar Žybuli…).
Aproč litarataraŭ niepasredna ź Biełarusi, udzieł biaruć i biełaruskija aŭtary ź Biełastoččyny (Nadzieja Artymovič, Mira Łukša, Michał Andrasiuk, polskamoŭny Ježy Plutovič), a taksama «praskija biełarusy» (Maks Ščur, Alaksandar Łukašuk, Jan Maksimiuk, Siarhiej Abłamiejka). Śpievami prahramu ŭraznastajać Lavon Volski dy Viktar Šałkievič.
Siarod českich udzielnikaŭ — takija vieličyni, jak Jachim Topał, Michał Viveh, Vijoła Fišarava, Arnošt Hołdfłam, Pavał Kohaŭt, Marcin Rajner, Bohdan Trojak dy inšyja.
Usie viečaryny buduć tranślavacca ŭ režymie on‑line na staroncy www.autorskecteni.cz! Tamsama možna znajści i ŭsiu padrabiaznuju infarmacyju pra festyval «Miesiac aŭtarskaha čytańnia».
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary