KCHP BNF znoŭ krytykuje Vika
Staršynia KCHP BNF “Adradžeńnie” Zianon Paźniak i jahony namieśnik Juraś Bieleńki raspaŭsiudzili zajavu “Da pytańnia pra dziejnaść ABSE ŭ Biełarusi”, u jakoj śćviardžajecca, što “ŭ 1998—2001 hadach nichto tak nie naškodziŭ biełaruskaj demakratyi, jak arhanizacyja ABSE ŭ Miensku”.
Asablivaja ŭvaha aŭtaraŭ zajavy źviernutaja na “pavodziny i dziejnaść Hansa Vika”, jakija “nie adpaviadali roli kiraŭnika mižnarodnaj hramadzkaj arhanizacyi i charaktaryzavalisia typovymi rysami dziejnaści specsłužbaŭ, da jakich spadar Vik naležaŭ”. Viku zakidajuć toje, što jon “stvaraŭ u Biełarusi svoj varyjant nibyta “demakratyčnaj apazycyi”, kantralavanaj ABSE, finansava zaležnaj ad Zachadu i specsłužbaŭ Rasiei”, “ustupiŭ u kanflikt z realnaj biełaruskaj apazycyjaj”, “spryčyniŭsia da aperacyi raskołu Narodnaha Frontu”, “uciahnuŭ partyi ŭ zaviedama biasplonny tak zvany “pieramoŭny praces” z režymam Łukašenki”, “spryčyniŭsia da vydaleńnia... Siamiona Šareckaha za miežy Respubliki Biełaruś u emihracyju”, “ažyćciaŭlaŭ biasplonnyja zachady zmusić da pierajezdu ŭ Niamieččynu svaich palityčnych praciŭnikaŭ z Narodnaha Frontu, pravodziŭ biezvynikovuju pracu siarod biełaruskaj moładzi, namaŭlajučy jaje ŭ intaresy Niamieččyny”.
“My nie sumniajomsia ŭ patrebnaści takoj mižnarodnaj arhanizacyi, jak ABSE, majem da jaje pavahu i pašanu, — pišuć frontaŭcy. — Ale... niedapuščalna, kab adździełami mižnarodnaj arhanizacyi kiravali funkcyjanery raźviedki jakoj-niebudź krainy”.
My chacieli ŭdakładnić niekatoryja detali, vykładzienyja ŭ zajavie, u Jurasia Bieleńkaha. Naprykład, jakich siabroŭ BNF “namaŭlali da pierajezdu ŭ Niamieččynu”? Adnak faktaŭ my nie pačuli. Ju.Bieleńki kaža, što “nia varta pakul padymać pytańnie peŭnych asobaŭ, bo nia viedajem, ci zhodnyja hetyja ludzi, kab byli ahučanyja ich proźviščy”.
A.T.
Kamientary