sport
Litoŭskaja ruka
Paru hadoŭ tamu biełaruskaja moładzievaja zbornaja pa baskietbole vyjhrała čempijanat Eŭropy. Usim zdavałasia, što voś jon — zorny čas biełaruskaha baskietu. Biełaruś prosta ašaleła ad dumki, što my nieŭzabavie budziem razmazvać pa placoŭcy roznyja tam dream team-y. Ale ŭsio paviarnułasia zusim nia tym bokam.
...Kali Biełaruś haniebna prajhravała ŭ mienskim Pałacy sportu estonskaj zbornaj z roźnicaj 15 ačkoŭ, tamtaja pieramoha na pieršynstvie Eŭropy zdavałasia snom. Kali biełarusy vychodzili na placoŭku pierad chatnimi sustrečami, niekatorym zaŭziataram zdavałasia, što pierad hulnioj biełaruskija džordany nie adnyja sutki kiłbasili słynny biełaruski napoj «Kryžačok». I sapraŭdy, jakija tam pieramohi, kali pad čas hulni biełarusy tolki i rabili, što brali tajm-aŭty dy žłukcili vadzičku. Sušniačok...
U zbornaj tre było niešta mianiać. Heta razumieli ŭsie. Ale nichto nie razumieŭ, što dy jak mianiać. Źmiena spartovych majtkoŭ, vidavočna, ni da čoha nie pryviała b. Tamu «šyški» ajčynnaha baskietbołu, pamazhavaŭšy, prydumali — stvaryć bazu dla nacyjanalnaj družyny. Hetaj bazaj pavinien byŭ stać naš biełaruski čempijon — «Horadnia-93». Ale adrazu ž ahaliŭsia inšy trabł: prystojnaja kamanda, kab raści, musić hulać u prystojnym turniry. Čempijanat Biełarusi, pry ŭsioj jaho sile, nia moža j blizka nasić hordaje najmieńnie «prystojny turnir». Zastavałasia adzinaje vyjście — paŭnočnaeŭrapiejskaja baskietbolnaja liha.
Praščamicca ŭ hetyja salidnyja spabornictvy — załataja mara našych fłahmanaŭ, bo, akramia mocnych supiernikaŭ, arhanizatary zabiaśpiečvajuć kluby babłom na pierajezdy dy chaŭčykam. Chalava vabić ruskuju dušu... Tolki voś da apošniaha času ŭ lizie admachvalisia ad delehacyjaŭ ź Biełarusi.
I nie śviaciła b našaj kamandzie nijakaja PEBŁ, kali b nie znajšoŭsia dobry žmudzin — kamisijaner lihi Šarunas Marčulonis. Zrabiŭšy kolki vizytaŭ na Haradzienščynu, Šarunas zaznačyŭ, što tamtejšy Ladovy pałac — idealnaje miesca dla praviadzieńnia matčaŭ PEBŁu (praŭda, spačatku tre zakupić specpakryćcio, bo nie hulać ža na lodzie). A paśla prahučała radasnaja dla nas fraza: «Kamanda ź Biełarusi stała realnym kandydatam na ŭstupleńnie ŭ lihu». Dyk vo, Horadniu niezabavam mo buduć pa «eŭrasporcie» pakazvać.
Bohuś Bijatlanionak
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary